Жылжымалы құрам паркін жаңартуда жаңалық бар
Жаңалықтар
08.06.2018, 15:49
![](https://rail-news.kz/uploads/posts/old/railnews5bc49679c10241.38245063.jpg)
Тәуелсіздік алғаннан кейін бұрынғы Кеңес одағындағы елдер сияқты Қазақстанның да алдында жылжымалы құрам паркін жаңарту қажеттілігі туындады. Осы сұранысты қанағаттандыру үшін локомотивтердің жаңа өндірісін іске қосу туралы шешім қабылданды. Астанада жаңа индустриалдық аймақ пайда болып, теміржол машиналарын құрастыру өндірісін дамыту дәуірі басталды.
2009 жылы Елбасы Н.Назарбаевтың тапсырмасымен «Қазақстанның Күшейтілген Индустриялы Инновациялық Дамуы» мемлекеттік бағдарламасы шеңберінде «ҚТЖ» ҰК» АҚ-ның еншілес кәсіпорны ретінде «Локомотив құрастыру зауыты» акционерлік қоғамы құрылып, «Эволюшн» сериялы отандық локомотивтер құрастырыла бастады.
Бүгінде құрылтайшылары «Трансмашхолдинг» АҚ және GE компаниясы болып табылатын аталған зауыт осы 9 жыл ішінде еліміздің экономикалық өсуі, республиканың ауыр машина жасау саласында жаңа тарихтың басталуы кезінде күрделі құрылымдық өзгерістер бастамасының алғашқы жаршыларының бірі болып, Қазақстанның индустриялы-инновациялық дамуына лайықты үлес қосып келеді. Қазақстанның теміржол көлігі жүйесінің бәсекеге қабілеттілігін арттырып, «1520 кеңістігінде» жылжымалы құрам иелеріне сапалы өнімдер беруде.
Зауыттың маркетинг және өткізу бөлімінің бастығы Рауан Донсебаевтың айтуынша, зауыт құрылғалы бері жүк және жолаушылар пойыздарына арналған ТЭ33А сериялы 300-ге жуық локомотив шығарылып, пайдалануға берілген, соның 23-і Тәжікстан, Әзербайжан, Түркіменстан, Украина, Қырғызстан елдеріне экспортталған.
– Жылжымалы құрам паркін жаңартуда жаңалық бар. Зауыт былтырдан бері Қазақстан теміржолының сұранысымен жаңа сериялы жолаушылар пойызы локомотивтерін шығаруды қолға алды. Алғашқы екі жолаушылар локомотиві 2014 жылы шығарылған. Ал сериялық түрлері 2017 жылы шығарылып, жоспар бойынша 6 локомотив тапсырдық. Бүгінгі таңға тағы екеуі өндіріске берілді. Әрі қарай да жыл бойы осылай жалғаса береді, – деді Рауан Донсебаев әлі бояуы да кеппеген су жаңа локомотивтерді көрсетіп.
Сыртқы келбеті көз тартарлық қос локомотив рельс бойын зулай сапарға шығуға дайын тұр. Оның дизайны да бұрынғылардан бөлектеу. Негізі, сыртқы келбеті, қалай бояу керектігі «ҚТЖ» компаниясының тапсыруымен жүзеге асырылады екен.
– Бұл локомотивтердің тежегіш бөлігі де жүк локомотивінен ерекше. Жылдамдығы сағатына 160 км-ға артқан. Және бұларда автобасқару жүйесі бар, яғни машинист соны қосқанда локомотив өзін-өзі басқара береді. Заманауи талаптарға сай, жетілдірілген әлемдік локомотивтердің соңғы буыны, соңғы үлгі. Барлық локомотивтер мәлімделген техникалық сипаттамалар мен пайдалану қауіпсіздігіне сәйкестігін тексерудің толық циклінен өтеді. Әрбір тепловоз соңғы құрастыру мен бояудан кейін сынау учаскесіне жіберіледі. Жаңа машиналар бес негізгі бағыттарды қамтитын әртүрлі сынаудың 19 түрінен өткізіледі. Сынау кезінде дәлдігі жоғары қазіргі заман аспаптары қолданылады, – деп түсінік берді зауыттың кепілдік қызмет көрсету бөлімінің бастығы Руслан Қажиев.
Зауытта тек локомотив қана емес, сонымен бірге Қазақстан теміржолына қажетті қосалқы бөлшектер, электровоздарға арналған арбашалар, бүйір рамалары, шанақтар жасалып шығарылады.
Қазіргі таңда зауытта 700-ге жуық адам жұмыс істейді. Олардың дені – техникалық сала мамандары. Локомотив құрастыру барысында зауытта 11 мың атаулы бөлшекке дейін жасалады екен. Оның ішінде қазақстандық үлес 32 пайызды құрайды.
Астана үшін, оның даму тарихында орны ерекше алғашқы зауытта жұмыс жасайтындардың дені – техникалық мамандық алған жастар, көбісі Австралияға, Америкаға барып оқып келген, ағылшын тілін меңгерген. Өндірісте заманауи станоктар, дүниежүзілік озық станок жасаушылар беретін жабдықтар пайдаланылады.
Райхан РАХМЕТОВА
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді