Қала маңы пойыздарында бақылау және басқару жүйелері енгізілді
«Жолаушылар тасымалы» АҚ жұмысын көрсету мақсатында БАҚ өкілдері үшін «Оқжетпес» жайлы электропойызымен «Астана - Бурабай» бағытына баспасөз туры ұйымдастырды.
Журналистер пойыз бригадасының жұмысымен және қала маңы бағыты вагондарының жайымен танысты.
Қала маңы пойызы құрамында 3 класты жайлылығы бойынша бөлінген 6 вагон бар. Қандай вагонға билет сатып алуын жолаушы өзі шешеді. Жол жүру билетінің құны жайлылық класына байланысты. Мысалы, Астанадан Бурабайға дейінгі аралықта 1 класты вагонға сатып алынатын билеттің бағасы 1937 теңгені құрайды. Жол жүру уақыты – 3 сағат 10 минут. Бүгінгі таңда штаттық жағдайдың өзгеруіне жедел ден қоятын және жолаушылар тасымалы қауіпсіздігін арттыратын, сондай-ақ «онлайн» режимінде қаламаңы пойыздарындағы жағдайға мониторингілеу мақсатында «Қаламаңы тасымалы» АҚ ҚТББЖ (қаламаңы тасымалдарын бақылау және басқару жүйесі) жүйесін енгізіп отыр.
«Қала маңы тасымалы» АҚ операторының жұмыс орнымен интеграцияланған және электропойыздың бортында орналасқан бұл кешенді бағдарламалық-техникалық құрал өзінің тиімділігін көрсете білді. Пойыз салондар мен тамбурларды, сонымен қатар машинист кабинасын көріп отыру үшін (локомотив бригадасының іс-әрекеттерін тіркеп отыратын) бейнебақылау жүйесімен жабдықталған. Әрбір вагон 4 камерамен жабдықталған.
Бұл жағдайды іштен бақылауға, сөйтіп вагондардағы вандалдық әрекеттердің алдын алуға мүмкіндік береді. Электрондық гаджеттері бар жолаушылар үшін жол бойында WI-FI базасында ақпараттық-көңіл көтеру жүйесі жұмыс істейді. Мүмкіндігі шектеулі жолаушылар үшін арнайы көтергіштер, ал көзі нашар көретіндерге Брайлдың бедерлі нүктелі шрифтімен ақпараттық тақтайшалар орнатылған. Пойыз құрамы жолаушы шай немесе салқын сусын ішуі үшін шағын бармен жабдықталған.
Қазіргі таңда республика бойынша «Қала маңы тасымалы» АҚ-қа қарасты 66 бағытта пойыздар қатынайды.
фото: Любовь Робва