Вагон қараушы жыл басынан төрт ақау таупты

ҚТЖ келбеті
23.06.2021, 14:06
Сұлугүл Бакесова

«Қазақстан темір жолшысы» газетінің тілшісі

Маңғыстау вагон пайдалану депосының Бейнеудегі техникалық қызмет көрсету қосынында вагон қараушы болып істейтін Әділбек Өсербаев жыл басынан бері төрт ақау тауып, қауіпсіздік саласына зор үлес қосты. Осы еңбегі еленіп, ол «Қозғалыс қауіпсіздігі үшін» төсбелгісіне ие болды. Бейнеулік вагон қараушы теміржолда небәрі үш жылдан бері жұмыс істеп келеді. Арнайы колледжді бітірген соң, жұмыс барысында техникалық сабақтарда, Ақтөбеде білім жетілдіру арқылы вагон шаруашылығының қыр-сырына қаныққан ол қазір нағыз қырағы вагон қараушыға айналған. Биыл жыл басынан бері тапқан ақаулары аса қауіпті саналады. Оның екеуі бүйір рамасынан, екеуі автотіркегіш бөлігінен анықталды. Жақында соңғы бір ақау Тассай станциясынан, ар жағы Өзбекстаннан Ақтау портына қарай бағытталған, жуа, картоп тиелген жүк вагонынан шықты. – Станцияда бір сағаттай тұратын жүк пойыздарына техникалық қызмет көрсетіп, тексеру кезінде бір құрамда 60 вагон болса, соған 6 вагон қараушы шығамыз. Мен соңғы ақауды күндізгі ауысымда жүріп таптым. Сондықтан автотіркегіштегі 130 мм сызатты көру қиын болмады. Бұл – өте күрделі ақау. Дереу вагонды құрамнан ағытып, ТОР, яғни ағымды ағытып жөндеу цехына жібердік, – дейді вагон қараушы Әділбек. Вагон қараушылар айына екі рет техникалық сабаққа қатысу кезінде өзге елдер мен өңірлерде болған апаттар бойынша бейнежазбаларды көру, түрлі бұйрықтармен, өзге де керекті ақпараттармен танысу, ақау табу тәсілдерін меңгеру арқылы білім жетілдіреді. Сол алған білімдерін 3 айда 1 рет сынақ кезінде көрсетеді. – Вагондарды тексергенде 12 позиция бойынша қараймыз. Атап айтар болсақ, күйіктің иісі шықпай ма, ұрған кезде дыбыстар қалай естіледі, бүйір рамасында сызат жоқ па, автотіркегіш жағдайы қалай, тежегіш жағы, жүріс бөлігі, вагон шанақтары, соның ішінде тағы майда бөлшектері, дөңгелек жұптары қандай деңгейде, вагонның үстіңгі жағында не кемшілік бар, соның бәрін шолып шығуымыз керек. Жалпы станцияға күніне 16 пойыздай келіп-кетіп жатады, бәріне бөлініп, бірдей қызмет көрсетеміз, – дейді қырағы вагоншы. Бүгінде мамандығын терең меңгерген Әділбек тәжірибеден бөлек үнемі ізденісте болуды мақсат санайды. Әке жолымен теміржолшы кәсібін таңдаған ол – төрт қыздың сүйікті әкесі.

Аймақтар
06.10.2022
Теміржолда шыңдалған азамат бүгінде ел басқарып отыр
Жаңалықтар
06.10.2022
ҚТЖ-да IPO бағдарламасы туралы айтылды
Жаңалықтар
05.10.2022
ҚТЖ вагондарды беру-жинау кезінде сыбайлас жемқорлық тәуекелдерін жояды
Жолаушылар тасымалы
05.10.2022
Hyundai Кореядағы ең жылдам жүрдек пойызды жасап шықты
Жаңалықтар
05.10.2022
Еліміздің транзиттік әлеуетін нығайтуға бағытталған ірі жобалар іске аса бастады
Әлеумет
05.10.2022
ҚТЖ төрағасы салалық кәсіподақты 30 жылдығымен құттықтады
Жолаушылар тасымалы
05.10.2022
Қазақстанда пойызбен жүретін жолаушылар саны 33 пайызға артты
Әлеумет
05.10.2022
Теміржолшылардың тұрмыстық еңбек жағдайы жақсарып келеді
Спорт
04.10.2022
Астанада өткен марафонда атыраулық теміржолшылар топ жарды
Әлеумет
04.10.2022
Қарттарға құрмет көрсетілді
Әлеумет
04.10.2022
Қызылордалық теміржолшылар қарттар күнін ерекше атап өтті
Аймақтар
04.10.2022
Әлеуметтік қолдауға әрбір жұмысшы лайық – Кәсіподақ
Аймақтар
04.10.2022
Ұйымдастыра білген ұтады
Аймақтар
04.10.2022
Көшбасшыға қабілеттілік қажет
Сұхбат
04.10.2022
Кәсіподаққа деген сенімді ақтау – басты міндет
Әлеумет
04.10.2022
Еңбек жағдайына ерекше көңіл бөлінеді
Аймақтар
04.10.2022
Кәсіподақ жетекшісі: Сенім үдесінен шығу – міндет
Аймақтар
04.10.2022
Машинистер мүддесі жолында еңбек етіп жатқан жан
ҚТЖ келбеті
04.10.2022
Үздік инспектор
Аймақтар
04.10.2022
Сенім – бәрінен биік