Байқау қорытындысы: Атырау жүк тасымалында 2 өндірістік жарақат тіркелген

Қауіпсіздік
02.11.2023, 10:43
Суретті түсірген автор
Қосұйым Мұқашев

Атырау облысы бойынша меншікті тілші

Атырау жүк тасымалы бөлімшесінде  күзгі байқауды қорытындылау жиыны өтті.  Инфрақұрылымның, жылжымалы құрамның, инфрақұрылым мен өндірістік-техникалық нысандардың жай-күйі, қауіпсіздік және еңбек қорғау жағдайы, жұмысшылардың кәсіби дайындығы, т.т. сараланған жиынға барлық құрылымдық бөлімшелер, станция басшылары мен жауапты мамандар қатысты. 

Тексеру комиссиясының төрағасы, Атырау жүк тасымалы бөлімшесінің директоры  Аслан Базарғалиевтің атап өткеніндей, өткен 9 айда Атырау жүк тасымалы бөлімшесі бойынша өндірістік жарақат алудың 2 жағдайы орын алған: бірінде жұмысшының аяғы тайып құласа, екіншісінде ит қапқан. Жалпы алғанда, қозғалыс қауіпсіздігі, еңбек қорғау және қауіпсіздік техникасы, техниикалық құралдардың жағдайы, ғимараттардың абаттандырылуы, жұмысшылардың тәртібі – қанағаттанарлық. Тексеріс кезінде бөлімше бойынша барлығы 336, магистральдық желі бойынша 1167 кемшілік анықталған. Желілік деңгейдегі басшыларға кемшіліктерді шұғыл жою және алдағы уақытта болдырмауға тапсырма берілді. Бас инженер Бауыржан Картанның мәлім етуінше, тексеріс барысында станциялар, вагон, локомотив деполарының басшылары тарапынан қозғалыс қауіпсіздігін сақтау бойынша лауазымдық міндеттері жеткілікті деңгейде атқарылмайды. Қызметкерлердің білім деңгейі, стандартты емес жағдайлардағы іс-әрекетке дайындығы төмен, нормативті-техникалық құжаттамалар дұрыс жүргізілмейді. Оның бәрі техникалық сабақтардың сапасына мән беру қажеттігін дәлелдейді.  

Қозғалыс шаруашылығы бойынша қауіпсіздікті сақтауда басшылық тарапынан бақылау төмендігі байқалады. Нормативті-техникалық құжаттамалар бойынша мамандардың білім деңгейі нашар, журналдар дұрыс толтырылмайды. Жалпы қай мекемеде де құжаттамаларды толтыруда үлкен кемшіліктер бар, осы олқылықты түзету керек. Кей станцияларда башмақтарды сақтау сапасы да сын көтермейді. Ганюшкино,  Атырау,   Ескене,   Сағыз станцияларында айлық кезінде жүк шаруашылығы қызметкерлеріне арналған жоспардан тыс техникалық сабақтар жеткілікті өткізілмеген. Жүктердің салмағын өлшеуде, көлемі үлкен жүктерді тасымалдауда да кемшіліктер тіркелген.  

Вагон шаруашылығында қозғалыс қауіпсіздігін сақтауда да басшылардың жеке қатысу нормативтері жеткілікті деңгейде орындалмайды. Барлық жөндеу бөлімдерінде қосалқы бөлшектер жетіспейді. Депода пайдаланым жұмыстары бойынша жетекші-инженер лауазымының қажеттілігі туындайды. Жөндеу пункттерінде вагондардағы ақаулар анықталмай жатады (10 вагон пайланудан шығарылып, екі вагон қайта жөндеуге жіберілген). Техникалық сабақтар сапасына да көңіл бөлу қажет. Локомотив деполары бойынша да сондай жағдай: жеке норматив, техникалық білім, ТО-2 циклдық жұмыстар сапасының төмендігі (қайта жөндеуге 2 локомотив қайтарылған). Локомотив деполарының басшылары мен орта буын, нұсқаушылар тарапынан өздеріне қарасты мәселелер бойынша қажетті шешім алынбайды. Бөлімше бас ревизоры Жәнібек Көбеевтің баяндағанындай, машинист-нұсқаушылармен локомотив бригадалары құрамымен тәрбиелік-алдын алу жұмыстары жеткілікті деңгейде жүргізілмейді, машинист жұмысын бақылау төмен, қозғалыс қауіпсіздігін сақтау бойынша кешенді ұйымдастыру және техникалық шаралар жүзеге асырылмайды. Атап айтқанда, жұмыс технологиясын, қозғалыс қауіпсіздігін сақтау мақсатында ұйымдастырушылық және техникалық шаралар алу, цехтар мен учаскелерді тексеру, локомотивті жөндеу сапасын қадағалау, жылдамдықты реттеу лентасы мен кассетасының дұрыс көрсетуін тексеру, ТО-2 техникалық қызметінен кейін локомотивтердің жағдайын тексеру, т.б. мәселелер. «Қамқор Локомотив» мекемесінде қосалқы бөлшектер жетіспеушілігі әлі бар. Сервистік қызметтен кейін локомотивтер кепілді мерзімге жете алмай қалады. Еңбек қорғау бағытында станцияларда кеңсе жиһаздарын жаңарту қажет. Сондай-ақ станцияларда технологиялық толаскез аяқталғаннан кейін жолдарды қалдықтардан тазартып отыру, өрт қауіпсіздігіне мән беру қажеттігі айтылды.  

Белгі беру және байланыс дистанцияларында 229 кемшілік анықталған. Негізінен СОБ құрылғысын күтіп-ұстауда технологиялық процесс кестесін дұрыс сақтамау байқалған. Станциялардағы рельс шынжырлары, бағыттамалы бұрмалар, аккумуляторлар жұмысын тексеру сапасы Атырау, Аққыстау, Ганюшкино, Теңдік, рзд. 496 км, рзд Таскескен, Ескине, рзд.469, Құлсары НГ, Опорная станцияларында төмен болған. Атырау, Ақжайық, Құлсары дистанцияларында барлығы 575 дана апатты аккумуляторлар анықталған. Дистанцияларда техникалық құжаттамаларды толтыруды жіті қадағалап отыру қажет. СОБ-ты күтіп-ұстау және қысқа дайындық бойынша ең жақсы көрсеткіш Исатай, Афанасьево, Мұқыр, Жантерек, Мақат-дөңесалды паркі, Толтыр станциялары мен рзд 463-те байқалған.

Жол шаруашылықтарында жеті жүзден астам кемшілік анықталып, жолдардың сапасына сын айтылды және жол шеберлері мен жол бригадирлеріне жауапкершілікті арттырып, кемшілікті жою жүктелді. Электрмен қамту бойынша құрылғыларды технологиялық процесс талаптарына сай жабдықтап отыру қажеттігі, дистанция басшылығы жұмысты жүйелі ұйымдастыруға күш салу қажеттігі ескертілді.  

Жиын соңында аталған жайттар саралана келе, күзгі байқауда белгілі болған кем-кетікті қалпына келтіру жөнінде шешімдер қабылданды.  

 

Инфрақұрылым
18.04.2025
Достық-Мойынты учаскесінде 90 көпір орнатылды
Әлеумет
18.04.2025
Балалар арасында сурет салу байқауы басталды
Аймақтар
18.04.2025
Мамандық таңдау – маңызды іс
Аймақтар
18.04.2025
Қарт түбектің қақпасы қайта түлемек
Жүк тасымалы
18.04.2025
Қазақстан баламалы маршруттарды белсенді дамытуда
Жаңалықтар / Мұрағат
18.04.2025
Қазақстан теміржолшысы газеті, №29 18 сәуір 2025 жыл
Жаңалықтар
17.04.2025
ҚТЖ теміржол вокзалдарын ауқымды қайта құруға кірісті
Жаңалықтар
17.04.2025
ҚТЖ-да көктемгі комиссиялық тексеру басталды
Аймақтар
17.04.2025
Жамбыл облысында бес вокзал күрделі жөндеуден өтеді
Жүк тасымалы
17.04.2025
Кері байланыс қызмет көрсету сапасын арттырады
Аймақтар
17.04.2025
«Жолшы кәсібімен мақтан» республикалық семинары өтті
Инфрақұрылым
17.04.2025
Еліміздің алты өңірінде темір жолды жөндеу жүргізілуде
Қауіпсіздік
16.04.2025
Қызылорда өрт сөндіру пойызы кәсіби дайындықтарын шыңдады
Аймақтар
16.04.2025
Жолаушы қызметінде – қырық жыл
Жаңалықтар
16.04.2025
ҚТЖ-да танымал ақындардың шығармашылық кеші өтті
Жаңалықтар
16.04.2025
ҚТЖ Бизнес трансформация орталығы озық технологияларды енгізуде
Жаңалықтар
16.04.2025
Темір жолдарда су басу қаупі жоқ
ҚТЖ келбеті
15.04.2025
ЦЖС аруы Қызылордада тұрады
Спорт
15.04.2025
Теміржолшылар қалалық спартакиадада топ жарды
Темір жол тарихы
15.04.2025
Соғыс тарихынан сыр шерткен жәдігерлер