Екібастұздық профессорлар пойызды басқару қызметімен танысты

Әлеумет
17.06.2022, 09:38
©Rail-news.kz
Райхан Рахметова

«Қазақстан теміржолшысы» газетінің тілшісі

Қ. Сәтпаев атындағы Екібастұз инженерлік-техникалық институтының профессорлық құрамы «ҚТЖ» ҰК» АҚ бас ғимаратында орналасқан Тасымалды басқарудың автоматтандырылған орталығы қызметімен танысты. Ондағы мақсат – теміржолшы мамандығына оқып жатқан шәкірттерге көзбен көргендерін айтып, сала мамандарымен тәжірибе алмасу.

Аталған оқу орнының «Көлік» кафедрасы негізінен Павлодар облысының теміржол саласына 14 мамандық бойынша кадрлар дайындайды. Осы кафедрадағы оқытушылардың негізгі мамандықтары да – теміржолшы. Алайда, өндірістен алыс жүрген оқытушылар студенттерге жан-жақты практикалық білім беру үшін осындай кездесулердің маңызы зор екенін айтады. Оқытушы құрамын Екібастұз локомотив пайдалану депосының бастығы Әмір Тәкішев бастап келді.

– Бұл оқу орны бізге машинистер, олардың көмекшілері және салаға қажетті басқа да мамандарды, яғни 80 пайыз қызметкерлерімізді дайындап беріп отыр. Сондықтан олардың оқыту сапасын арттыра түсу мақсатында осы іс-шараны өткізуге ұйытқы болдық. Компания басшылығының бұл бастаманы дұрыс қабылдап, оқытушылардың өндірісті көруіне мүмкіндік бергеніне алғыс айтамыз, – деді депо бастығы.

«ҚТЖ-Жүк тасымалы» ЖШС-на қарасты Пойыздар қозғалысын басқару департаментіне келген қонақтарды осы департаменттің жедел бөліп тарату тобының менеджері Наталья Гофман қарсы алды. Оның айтуынша, компанияның диспетчерлік қызметі Қазақстандағы теміржол желісі бойынша 3 деңгейден тұрады. Біріншісі – сызықтық деңгей, екіншісі – өңірлік деңгей, үшіншісі – желілік деңгей. Қазақстанда қанша бөлімше, қанша станция, қанша жол болса, соның бәрін компьютер арқылы күн сайын қарап, пойыздар қозғалысын басқарып отыратын департамент диспетчерлерінің жұмысы тым қауырт. Әр өңірге жауапты диспетчерлер бөлінген.

– Пойыздар қозғалысын басқару департаментіне жүктелген міндет, Қазақстан бойынша барлық теміржолдағы қызметтің өзара әрекеттесуінің дұрыс болуын қадағалау. Жұмысымыз таңертең селекторлық отырыстан басталады. Онда жоспарға сай тапсырмалар беріледі. Сосын барлық құрылымдық бөлімшелер басшыларына телефон соғылып, пойыздар қозғалысына, яғни дәл сол сәтте оларда қанша жүк жөнелтілуде, қаншасы жолда келе жатыр, қанша жүк түсіріліп, тиелетіні туралы, бос вагондар қанша деген сұрақтарға қатысты есеп алынады. Сол мәліметтер негізінде бір күннің жұмыс жоспары жасалады. Диспетчерлер орталығына еліміздегі жылжымалы құрамдарды басқаруға қатысты деректер дереу түсіп, қандай да бір туындаған мәселелер жедел шешіліп жатады, – дейді Наталья Гофман.

Қазақстан бойынша теміржол желілерінен бөлек, диспетчерлер елімізде шетелдермен шектесетін 15 мемлекетаралық шекаралық түйісу нүктесін де бақылауға алған. Осылайша, пойыздар қозғалысын басқару қызметімен егжей-тегжейлі танысқан екібастұздық жоғары оқу орнының оқытушылары компанияның бірінші қабатында орналасқан мұражайды аралап, теміржолдың тарихына қатысты көне жәдігерлермен де, заманауи жаңа жобалардың макеттік үлгілерімен де танысты.

Инфрақұрылым
18.07.2025
Сырдария арқылы өтетін жарты шақырымдық теміржол көпірі салынады
Инфрақұрылым
18.07.2025
Елімізде темір жолды жөндеу науқанының жартысы аяқталды
Жүк тасымалы
18.07.2025
Әлеуметтік жүк тасымалы ұлғаюда
Станция тынысы
18.07.2025
Әйтеке би станциясы жартыжылдықты табысты аяқтады
ҚТЖ келбеті
18.07.2025
Қауіпсіздік мәдениетін қалыптастырған инженер
Аймақтар
18.07.2025
Маңғыстау теміржолшыларына біржолғы сыйақы берілді
Қауіпсіздік
18.07.2025
Дала өртімен күрес: Семей теміржолшылары қауіпсіздік шараларын күшейтті
Жаңалықтар / Мұрағат
18.07.2025
Қазақстан теміржолшысы газеті, №54 18 шілде 2025 жыл
Жүк тасымалы
17.07.2025
Ақтау мен Құрық порттарында жүк айналымы өсті
Спорт
17.07.2025
Астанада өткен сайыста теміржолшылар жеңімпаз атанды
Жаңалықтар
17.07.2025
"Тобыл" логистикалық хабының құрылысы бастау алды
Жаңалықтар
17.07.2025
Елімізде теміржол машиналарын жасау 7,1%-ға артты
Жүк тасымалы
17.07.2025
Атырауда мұнай өнімдерінің тасымалы өсті
Инфрақұрылым
17.07.2025
Мойынты – Қызылжар теміржол желісінің құрылысына 10 мердігер ұйым қатысуда
Жаңалықтар
17.07.2025
ҚТЖ локомотив бригадаларының 16 демалыс үйіне күрделі жөндеу жүргізуде
Жаңалықтар / Жолаушылар тасымалы
16.07.2025
Комиссия туристік пойыздардағы заң бұзушылықтарды анықтады
Аймақтар
16.07.2025
Қандыағашта теміржол вокзалы жөнделіп жатыр
Әлемде
16.07.2025
Қытай жүрдек пойыздар желісінің жылдамдығы мен ұзындығын арттыруда
Жүк тасымалы
16.07.2025
Қазақстан бидайы Қытай арқылы Вьетнамға темір жол көлігімен жөнелтілді
Жүк тасымалы
15.07.2025
Қытайдан Әзербайжанға аттанған алғашқы жүк пойызы Қазақстан арқылы өтеді