Абайламай ажал құшты

Әлеумет
22.04.2019, 14:47

Өткен сенбі елорданың теміржол станциясында ойнап жүріп, пойыз үстіне шыққан жасөспірім баланы 27 мың вольттық ток ұрып, қаза тапты. 13 жасар мектеп оқушысы Кирилл Василевскийдің өліміне қатысты станция басшылығы, желілік тәртіп сақшылары және көліктік прокуратура өкілдері бірлесе жиын өткізіп, түсініктеме берді.

Темір жол – аса қауіпті аймақ екенін болат жол бойына жақын елді мекендер тұрғындарына, мектеп оқушыларына, мекемелер қызметкерлеріне айтудан бір танбайтын теміржолшылар халықтың бейқамдығына қатты алаңдаулы.

– Темір жол бойындағы электр энергиясы берілетін сым токтардың бойында вольт күші өте жоғары болады. Балалар түгілі үлкендердің өзі арнайы өткел жолдармен емес, пойыздың асты немесе үстімен өтетін жағдайлар жиі кездеседі. Оларды біз арнайы рейд барысында анықтаймыз және парк күзетшілері ескертіп, көріп қалса жолға салып отырады. Бұл жолы да балалар пойыз үстіне қызығушылықпен шыққан. Ал оның үстіндегі ток күші аса қуатты, 2 метр биіктікте тұрғанның өзінде оның толқыны адамды өлтіруге жетеді. Өте қайғылы жағдай, ата-анасына қайғырып көңіл айтамыз, – дейді Нұрсұлтан-1 станциясының бас инженері Бақытхан Әбеуов.

13 сәуір күні станцияға үшінші жолға кешкі сағат 21.01-де №2911 пойыз келіп тоқтайды. Ал сағат 21.19 минутта әскерилендірілген күзет қызметкерлері пойыздың жабық вагонының жанына жиналып қалған адамдарды көріп жақын келгенде, олардан вагон үстінде тоқ ұрған бала денесі жатқанын біледі. Әскерилер дереу желілік тәртіп сақшылары мен жедел жәрдем қызметкерлерін шақыртады. Алдын ала болжам бойынша бұл оқиға жасөспірімнің жеке басының абайсыздығынан болған. Қаза болған бала №21 мектептің оқушысы.

Балаларды теміржол қаупінен қалай сақтауға болады? Олар неге сол жол бойына әуес? Бұл теміржолшыларды қатты алаңдататын мәселе. Сондықтан олар үздіксіз профилактикалық жұмыстарды жүргізіп отырады. Мәселен, былтыр №21,26, 36, 49, 61 мектептерде 10 рет түсіндіру жұмыстарын жүргізіп, барлығы 1012 баланы қамти отыра, оларды темір жолға жақын аймақта сақталатын қауіпсіздік ережелерімен таныстырған. Сонымен қатар 329 адамды қамти отырып, темір жолға жақын елді-мекендердің тұрғындарымен 13 кездесу өткізіп, темір жол бойынан мал алып өту, айналасында мал жаю ретін түсіндірген. Барлығы 1341 жадынама таратылған. Бұған қоса қызметкерлерге де жолдағы қауіпсіздік ережелері жөнінде 23 техникалық сабақ өткізілген. Өткен жылы Нұрсұлтан-1 станциясының қызметкерлері желілік сақшылар, әскерилер, локомотившілермен бірге 30 рейд ұйымдастырыпты. Соның барысында темір жол арқылы өту бойынша 329 заң бұзушылық анықталған. Басшылардың айтуынша, қауіпсіздік белгілері, станция паркінің жарықтандырылуы тұрақты тексеріліп отырады. Темір жолдан өту қауіптілігі туралы 13 белгі орнатылып, 11 белгі жаңартылған. Жолаушылар өткелі, қызметтік жолдар, жолаушылар платформасы қардан уақытылы тазартылып, құм себіліп отырады. Осы жылы бүгінгі күнге дейін темір жолға жақын мектептерде және көп профильді колледж бен ҚазККА колледжінде 416 адамды қамти отыра, 4 кездесу ұйымдастырылған. Ал тұрғындармен 6 кездесу өткізілген.

Міне, осындай жұмыстар тұрақты жүргізілгеніне қарамастан темір жолда адамдардың қайғылы жағдайларға ұшырап жатуы азаяр емес. Көлік прокуроры мен желілік ІІД қызметкерлерінің қатысуымен өткен жиында олар теміржолшылармен бірлесе атқарар жұмысты бұдан да күшейте түсуге келісіп, бірлескен рейдтер, тексерулерді көбейтіп, қоршаулар, арнайы белгілерді тағы көптеп орнату мәселесін талқылады.

Ұлан ОРАЗ

Жүк тасымалы / Апта саны
13.05.2025
ҚТЖ желісінде жүк тасымалы 4,5%-ға артты
Сұхбат
13.05.2025
Қанат ӘЛМАҒАМБЕТОВ: «Шиеленісті жағдайды уақытылы шешуге мүдделіміз»
Аймақтар
13.05.2025
Ғибратты ғұмыр
Аймақтар
13.05.2025
Жүз жасаған кейуана
Станция тынысы
13.05.2025
Болашақ станциясы өсім жолында: жаңа дәреже – жаңа міндеттер
Аймақтар
13.05.2025
Теміржолшылар Жеңіс күні бірлік пен рухты паш етті
Жаңалықтар / Мұрағат
13.05.2025
Қазақстан теміржолшысы газеті, №36 13 мамыр 2025 жыл
Жүк тасымалы
12.05.2025
Қытайдан Орталық Азия елдеріне контейнерлік тасымал 104%-ға өсті
Жаңалықтар
12.05.2025
Қазақстан бидайы алғаш рет БАӘ нарығына шықты
Жаңалықтар
12.05.2025
Алты ел еуразиялық дәлізді қалыптастыру барысын талқылады
Спорт
12.05.2025
Бес вагон сүйреп рекорд орнатты
Аймақтар
12.05.2025
Шымкент вокзалы маңындағы алып сағат қайта іске қосылды
Жүк тасымалы
12.05.2025
Қазақстан, Өзбекстан және Тәжікстан теміржолшылары жүк тасымалдау көлемін ұлғайтуды талқылады
Әлемде
12.05.2025
Қырғызстанда Қытай – Қырғызстан – Өзбекстан бағыты бойынша алғашқы тоннельдің құрылысы басталды
Әлемде
12.05.2025
CAF компаниясы жаңа Oxygène электр пойызын таныстырды
Жаңалықтар
10.05.2025
Павлодарлық теміржолшылар ардагерді Жеңіс күнімен құттықтады
Жолаушылар тасымалы
09.05.2025
Астанадан Жеңіс күніне арналған тақырыптық пойыздар жолға шықты
Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы