«Маңғыстау.kz» - жартылай финалда
ҚТЖ лигасының 2018 жылғы чемпионы «Маңғыстау.kz» жайдарман командасы осы аптада Алматыда өткен республикалық «А» лига тележобасында жоғары деңгейде өнер көрсетіп, жартылай финалға жолдама алды.
Маңғыстау ЖТ бөлімшесіне қарасты мекемелердің қызметкерлерінен құралған команда – облыс көлемінде де, ҚТЖ бойынша да танымал болып келе жатқан топтардың бірі. Алматыдағы ойынға елімізге белгілі деген барлығы 12 команда қатысыпты. Соның ішінен суырылып алға шыққан теміржолшылар командасына жартылай финалға жолдамамен қоса 20 мың теңге сертификат берілген. Топ 6 адамнан тұрады. Олар – машинист Фархат Жұманиязов, маши нист көмекшісі Битан Муса, Маңғыстау станциясының жүктерді қабылдап, тапсырушысы Ержан Ниязқұлов, жүк транзиттік агенті Ғалымжан Жексенов, магистральдық желі бөлімшесі инструкторы Қайрат Абдашов, вагон-қараушы жөндеуші әрі команда капитаны Қуатбек Көпбаев. Топ басшысы Қуатбектің айтуынша, команда әзілдерін жазатын сценарист Ғалымжан. Демеушілері – Маңғыстау ЖТ жол бөлімшесі мен соның кәсіподақ ұйымы. Бұл жолы да олар әдеттегідей темір жол тақырыбын бүгінгі күннің өзекті мәселелерін арқау ететін әзілдерінің арасында сөз етіп отырыпты. Енді осы құрам жайдарманның биыл мамыр айына өткізілуі жоспарланып отырған ширек финалына қатыспақ.
Ұлан ОРАЗ