Теміржол – ойнайтын жер емес...
Теміржол жиегінде орналасқан елді мекендер үшін қауіптің үлкені – темір табанды жол мен оның көліктері. Пойыздың астына үлкен де, кіші де түсіп қалып жатады.
Әсіресе, жол бойында әрі-бері жосып жүретін, тіпті оны ойын алаңына айналдырған бала-шағаның қауіп-қатерге ұрыну тәуекелі өте жоғары. Наурыз айының ортасында Шымкент станциясы желілік полиция бөлімі темір жол және әуе көлігі объектілерінде «Қадағалаусыз жасөспірім» акциясын өткізді. Мақсат – жасөспірімдер арасында қылмыстың алдын алуға, оны ескертуге және жолын кесуге, қоғамдағы отбасының рөлін күшейтуге бағытталған шаралар туралы таныстыру. Аталған құқықтық тәртіпті халыққа түсіндіру үшін тәртіп сақшылары Шымкент қаласының темір жол вок- залында және темір жол объектілерінде халықпен кездесіп, бейсауыт жүрген балалар мен жасөспірімдерді тоқтатып, акцияның мақсатын түсіндірді. Құқықбұзушылықтың алдын алу акциясы таныстырылып, буклеттер таратылып, плакаттар ілінді.
Жан ПЕРДЕБЕК