Жарысқа жүзге жуык теміржолшы қатысты
Шалқар станциясының теміржолшылары Жеңіс күніне спорттық ойындардан дүбірлі жарыс ұйымдастырды.
Шараға тораптық станциядағы барлық мекемеден, жалпы саны жүзге жуық теміржолшы қатысып, атсалысты. Спорттық ойындар 5 команда арасында өтті. Волейбол, теннис, гір көтеру және шахмат ойындарында оза шауып, бәйге алғандар қатарында «Қамқор Локомотив» ЖШС, әскерилендірген күзет қызметі мен жол дистанциясының командасы болды.
«Биыл елімізде «Жастар жылы» жарияланды. Сол себепті, Жеңіс күні құрметіне өткен спорттық шараға қатысқандардың дені жастар, яғни теміржолшылар командаларының құрамында жастардың басым болуы бізді қуантып отыр», – дейді спорт нұсқаушысы Нұргүл Батырхан.
Үздік танылған ойыншыларға алғыс хаттар мен естелік сыйлықтар табысталды.