Бүгіннен бастап Қытай пойызға қағаз билеттерді қолдануды тоқтатты
2025 жылдың 1 қазанынан бастап Қытай пойыздарға және ішкі әуе рейстеріне қағаз билеттерді ресми түрде алып тастады. Енді барлық билеттер электронды түрде рәсімделіп, ресми 12306 қосымшасы және басқа да цифрлық сервистер арқылы қолжетімді болады, деп хабарлайды Rail-news.kz.
Қалаған жағдайда жолаушылар естелік ретінде немесе есептілік үшін вокзалдағы терминалдардан қағаз түбіртек шығарып ала алады.
Билет сатып алу және пойызға отыру тәртібі өзгеріссіз қалады. Қытай азаматтары жеке куәліктері арқылы, ал шетелдіктер төлқұжаттары арқылы жол жүреді.
«Әуежайларда ішкі әуе рейстеріне қағаз маршруттық түбіртектер де жойылады. Оны алу үшін енді тіркеу орнына барудың қажеті жоқ. Жолаушы рейс аяқталғаннан кейін келесі күні әуе компаниясының сайтына немесе билет сатып алынған онлайн-платформаға кіріп, маршруттық түбіртекті таңдап, шот туралы деректерді толтырса жеткілікті», – деп хабарлады Синьхуа агенттігі.