Ресейде теміржол өткелдеріндегі жол-көлік оқиғаларының саны 51%-ға өсті
Ресейде теміржол өткелдеріндегі жол-көлік оқиғаларының (ЖКО) айтарлықтай өскені байқалды. 2026 жылғы І тоқсанының қорытындысы бойынша 71 апат тіркелді, бұл өткен жылдың сәйкес кезеңіндегі 46 жағдаймен салыстырғанда 51%-ға көп. Үш айдың ішінде өткелдердегі ЖКО салдарынан 41 адам зардап шегіп, оның ішінде 14 адам қаза тапқан, деп хабарлайды Rail-news.kz.
Мамандар апаттардың басты себептері ретінде жүргізушілердің жол қозғалысы ережелерін бұзуын, сондай-ақ көлік құралдарының тікелей теміржол ізінде бұзылып қалуын атайды. Бұл ретте пойызды лезде тоқтату мүмкін емес екені, бұл ауыр салдарлардың туындау қаупін айтарлықтай арттыратыны баса айтылды.
«РЖД» (Ресей темір жолдары) компаниясы жүргізушілермен тұрақты түрде профилактикалық жұмыстар жүргізіліп жатқанын, ал өткелдер апаттылықты азайтуға бағытталған заманауи техникалық құралдармен жабдықталып жатқанын атап өтті.
Сондай-ақ, компания автокөлік жүргізушілерін ЖҚЕ талаптарын қатаң сақтауға, жол белгілеріне, бағдаршам сигналдарына, шлагбаумдардың қалпына және кезекшілердің нұсқауларына назар аударуға, ал өткелге шығар алдында жақындап келе жатқан пойыздың жоқтығына міндетті түрде көз жеткізуге шақырады.