Теміржолмен жүк тасымалдау екі айда 6,6%-ға өсті

2025 жылдың екі айында ҚТЖ желісі бойынша 42,4 млн тонна жүк тасымалданды, бұл өткен жылдың сәйкес кезеңі көрсеткішінен 6,6% артық, деп хабарлайды Rail-news.kz.

Республика ішінде тиеу көлемі қаңтар-ақпан айларында 2%-ға ұлғайып, 26,8 млн тоннаны құрады. Экспортқа теміржол көлігімен 15,6 млн тоннадан астам жүк жөнелтілді, бұл өткен жылмен салыстырғанда 16% көп.  

Негізгі жүк ағындарының ішінде тас көмір тасымалының 4,7%, яғни  18,2 млн тоннаға дейін өсуі байқалды, оның 13 млн тоннасы ішкі нарыққа бағытталды. Астық тасымалы 42,5%, яғни 2,4 млн тоннадан астамға ұлғайды. Астық экспорты 44,5% өсіп, 1,9 млн тоннаға жетті.  

2025 жылдың екі айының қорытындысы бойынша мұнай жүктерін тиеу – 3%, 3,2 млн тоннаға дейін, қара металдарды тиеу – 14,3%, 700 мың тоннаға дейін, химиялық тыңайтқыштарды тиеу-16,5%, 816 мың тоннаға дейін, темір кені мен марганец тиеу  –  4%, 3,2 млн тоннаға дейін және құрылыс жүктерін тиеу – 7,9%, 1,6 млн тоннаға дейін артып отыр.  

ҚТЖ ішкі нарық үшін де, экспорттық жеткізілімдер үшін де сенімді логистиканы қамтамасыз ете отырып, жүк тасымалдарының тиімділігін арттыру бойынша жұмысты жалғастыруда.