ҚТЖ Орталық Азия елдеріне астық тасымалдауды 33% арттырды

2026 жылғы қаңтар – қыркүйекте ҚТЖ Орталық Азия елдеріне 5,5 млн тонна астық тасымалдады – бұл өткен жылдың сәйкес кезеңімен салыстырғанда 33% артық. Өзбекстанға 4,1 млн тонна жөнелтілсе, өсім 44% құрады, деп хабарлайды Rail-news.kz.

Қыркүйек айында ҚТЖ желісі бойынша рекордтық 1,5 млн тонна астық тасымалданды, оның ішінде Орталық Азия елдеріне 701 мың тонна. Қазан айының алғашқы 10 күнінде өңірге 225 мың тонна астық жөнелтілді, бұл өткен жылдың сәйкес кезеңі көрсеткішінен 5% артық. Осы көлемнің 171 мың тоннасы Өзбекстанға жөнелтілді.

Өткізу қабілетін арттыру үшін ҚТЖ Арыс станциясының сұрыптау жүйесін жаңғыртып, Орталық Азия бағыты бойынша 14 тікелей пойыздарды қалыптастыруды ұйымдастырып, Сарыағаш станциясы арқылы тәулігіне 40 пойызға дейін өткізуді қамтамасыз етті. Сонымен қатар, өзбек тарапына Ташкент темір жол торабының жүк фронттарын босату және жүктерді әкетуді жеделдету үшін 500 жабық вагон жалға берілді.

12-13 қазанда ҚТЖ жұмыс тобы Өзбекстанда «Узбекистон темир йуллари» АҚ, Өзбекстан Республикасы Көлік министрлігінің, кеден органдары мен жүк алушылар өкілдерімен бірқатар кеңестер өткізді. Қатысушылар астық жүктерін уақтылы қабылдау мен түсіруді қамтамасыз ету шараларын талқылады.

ҚТЖ-да қосымша жүк жөнелтушілер мен мемлекеттік органдар өкілдерінің қатысуымен жедел астық штабының кеңейтілген отырысы өтті. Барлық көтерілген мәселелер бойынша түсініктемелер беріліп, тасымалдауды ұйымдастыру бойынша одан әрі шаралар келісілді.