Семей ЖТ бөлімшесі цифрлық даму дәуіріне дендей бастады

Цифрландыру
25.02.2022, 12:13
Қуаныш Қожаев

Абай облысы бойынша меншікті тілші

Қазіргі күндері Семей ЖТ бөлімшесі бойынша цифрландыру, жаңа ақпараттық технологиялар игілігіне сүйену мәселелері алға шыққан. Бұл бағыттағы шаралар «ҚТЖ» ҰК» АҚ-ның «Цифрлық трансформация» бағдарламасы аясында жүзеге асырылуда.

Осы орайда теміржолшылар үшін заманауи үлгідегі «ақылды технологиялар» дәуірі басталғаны белгілі. Бүгінде жүк тасымалы бөлімшесіндегі құжат алмасу, іс қағаздарын жүргізу толық автоматтандырылған. Мәселен, осыған дейін қағазсыз технология ішінде ең алдымен «Келісімді және коммерциялық жұмыс» басқару жүйесі іске асырылған болатын. Станциялардағы өтінім беру жұмыстары толықтай электронды түрде жүргізіледі. Сол тәрізді ЭЧ мекемесі бойынша автоматтандырылған ақпараттарды орталықтандыру, электр қуатын үнемдеудегі тиімділікті арттырар бағдарламалар да сәтімен жүзеге асырылды.

Әйтсе де, аталмыш бағыт бойынша әлі қолға алынуы тиіс шаралар бар. Оның барлығын нақтылап әрі тыңғылықты түрде зерттеу қажет. Бұл орайда ел шығысында да іргелі жұмыстар жасалуда. Әсіресе, магистральдық желі бөлімшесі бойынша жүзеге асырылуы тиіс бірқатар іргелі шаралар бар екен. Қазіргі күні желі бойындағы ПЧ мекемелерінде кейбір журналдар қолмен жүргізілетінін айта кету керек. Алдағы уақытта олардың бірқатарын электронды форматқа ауыстыру көзделуде. Сондықтан да, жол шаруашылығындағы барлық қызмет түрлері арнайы сарапқа алынуда. Нәтиже белгілі болған соң ғана техникалық кеңеске нақты ұсыныстар жасалатын болады. Ал автоматтандырылған қызмет әсіресе құжат алмасу ісінде үлкен жеңілдік әкелетіні белгілі.

Белгілі болғандай, қазіргі таңда бөлімшеге қарасты бірқатар мекемелерден ұсыныстар көптеп түсуде. Олардың арасында әсіресе Жаңа-Семей мен Семей тәрізді ірі жүк станцияларындағы дөңес қызметкерлері мен локомотив шаруашылығының мамандары ерекше белсенділік танытуда.

– Бүгінгі таңда бөлімше мекемелерінен жүзеге жуық рационалды ұсыныстар түсті деп есептесек, солардың арасында цифрландыруға қатысты жобаларды бөлек қарастырамыз. Басты мәселе – өндірісті, техникалық процесс барысын толықтай автоматтандыру. Рас, бүгінгі таңда кейбір бағдарламалардың арасында қажеті жоғы, яғни, күн талабына орай сандық форматқа ауыстыруды талап ететіндері бар. Осы мәселелерді шешуде тыңғылықты жұмыс жүргізіліп жатыр. Бұл орайда бөлімшедегі 23 мекемені түгелдей қамтып отырмыз. Бас инженерлер тарапынан автоматтандыру және цифрландыруға байланысты берілген өтініштерді бірыңғай түрде жинастырудамыз, – дейді бұл орайда пікір білдірген «ҚТЖ» ҰК» АҚ – «Автоматтандыру және цифрландыру дирекциясы» филиалы Аймақтық бөлімшелермен жұмыс жасау функционалдық бағытының АТ Бизнес-серіктесі Семей аймағы бойынша басшысы Ерғазы Жұмаділов.

Бұл бағыттағы игілікті шаралар қазірдің өзінде басталып кетіпті. Атап айтсақ, бөлімшенің Жаңа-Семей станциясында маневрлік локомотивтерді пайдалану уақытын бөлек есепке алудың автоматтандырылған ақпараттық жүйесін енгізу шарасы жоспарлануда. Қазіргі уақытта IT-жүйені әзірлеу және енгізу бойынша арнайы техникалық тапсырмалар әзірленіп, жан-жақты пысықталуда.

Пилоттық жоба түрінде енгізілетін аталмыш бағдарлама маневрлік локомотивтердің нақты жүктемесін бағалауға, деректерді өңдеудің сенімділігін арттыруға, адами фактордың ықпалын азайтуға, станция жұмысындағы сыбайлас жемқорлықты болдырмауға, сондай-ақ жалпы өнімділікті арттыруға зор мүмкіндік береді екен. Ал, осынау жұмыс «ҚТЖ» ҰК» АҚ-ның «Цифрлық трансформация» бағдарламасының «Маневрлік жұмыстың тиімділігін арттыру» жобасы аясында жүргізілуде.

Басты мақсат – маневрлік жұмыстарда локомотивтерді қолданудың тиімділігін арттыру, барлық жүк станцияларында вагондарды уақытылы беру мен алып кетуді қамтамасыз ету болмақ. Ал, жаңа жобалар өзін толықтай ақтайтын болса, өзге бөлімшелердегі өндіріс процесіне де ұсынылатын болады.

ҚТЖ келбеті
25.08.2025
Теміржолшы Мақсат Абатов «Самұрық-Қазына» спартакиадасынан алтын және күміс жүлдемен оралды
Әлемде
25.08.2025
Сауд Арабиясына арналған пойыздарға Rolls-Royce қозғалтқыштары салынбақ
Аймақтар
25.08.2025
Маңғыстау теміржол өткелдерінде биыл бірде-бір жол апаты тіркелмеді
Әлеумет
25.08.2025
Мектепке жол: оқу құралдары сыйға тартылды
Аймақтар
25.08.2025
Ең арзан пойыз – оңтүстікте
Инфрақұрылым
25.08.2025
Қызылорда жол дистанциясында теміржол күтімі қарқынды жүріп жатыр
Жолаушылар тасымалы
25.08.2025
ҚТЖ-ның жолаушылар пойыздарында 140 ереже бұзушылық анықталды
Жаңалықтар
22.08.2025
ҚТЖ бүкіл ел бойынша вокзалдарды ауқымды жаңғыртуды жүргізуде
Инфографика
22.08.2025
Биыл «Достық – Мойынты» учаскесінің екінші жолдарының құрылысы аяқталады
Инфографика
22.08.2025
ТХКБ бойынша жүк тасымалы соңғы бес жылда 6 есеге өсті
Инфрақұрылым
22.08.2025
Теміржол әлеуеті сөз болды
Цифрландыру
22.08.2025
Цифрландырудың бес бағыты
Қауіпсіздік
22.08.2025
Кәсіби қырағылық: вагон қараушы пойыз қозғалысын қауіптен қорғады
Әлеумет
22.08.2025
Маңғыстаулық теміржолшылар отбасы Астанадағы байқаудан жүлдемен оралды
Аймақтар
22.08.2025
Семей теміржол вокзалы жаңғыртылуда
Жаңалықтар
22.08.2025
Жүйелі жұмыстар жалғасуда
Жаңалықтар / Мұрағат
22.08.2025
Қазақстан теміржолшысы газеті, №68 22 тамыз 2025 жыл
Әлемде
21.08.2025
Alstom жаңа сутекті пойызын сертификаттауға шығарды
Жүк тасымалы
21.08.2025
"Шұбаркөл Премиум" көмірін тасымалдау бойынша рекорд орнатылды
Аймақтар
21.08.2025
800 метрге дейінгі түйіспесіз рельс плеттерін дайындайтын кәсіпорын