Еліміздің алты өңірінде темір жолды жөндеу жүргізілуде
Наурыз айында басталған ҚТЖ желісіндегі ауқымды жол жөндеу жұмыстары жоспарға сәйкес жүргізілуде. Осы жылы теміржолшылар 1480 шақырым магистральды жаңартуды жоспарлап отыр, деп хабарлайды Rail-news.kz.
Теміржолшылардың кестесінде – жолға күрделі, күшейтілген және орта жөндеу жүргізу, бағыттамалық бұрмаларды ауыстыру, рельс тіректерімен табандарын үздіксіз ауыстыру, сондай-ақ тасымалдардың қауіпсіздігі мен сенімділігін қамтамасыз етуге бағытталған басқа да іс-шаралар. Жұмыстар арнайы жол техникасын (Duomatic, UnimatMF, түзету-ұсақтау рихтау машиналары, рельсті тегістеу пойыздары және т.б.) пайдалана отырып жүргізіледі.
Бүгінгі таңда күрделі жөндеумен, ең күрделі және еңбекті қажет ететін Павлодар, Алматы, Жамбыл, Ақтөбе, Атырау және Маңғыстау магистральдық желі бөлімшелері шекараларында бірнеше учаскелер қамтылды. Бұнда жол шаруашылығы қызметкерлері ескі рельсті шпал торын бөлшектеп, жаңасын төсейді. Жалпы Қазақстан бойынша биыл 512,7 шақырым жол күрделі жөндеуден өтеді.
Жалпы, 2029 жылға дейін ҚТЖ 11 мың шақырым темір жолды жаңғыртады. Жоспарланған көлемнен 2800 шақырымнан астам темір жол жөнделді (2023 жылы– 1443 км; 2024 жылы –1430 км).
