Вокзалдарды жаңғырту жұмыстары жалғасуда
«Қазақстан теміржолшысы» газетінің тілшісі
Мемлекет басшысының тапсырмасы бойынша еліміздің теміржол вокзалдарын жаңғырту бағдарламасы жалғасуда. Жуырда Жамбыл, Ақмола және Атырау облыстарында тағы төрт вокзал қайта жаңғыртудан кейін пайдалануға берілді.
Олар – Түрксіб, Есіл, Елтай және Исатай теміржол вокзалдары. Қайта жаңартудың басты міндеті – теміржол вокзалдарын жолаушылар үшін ыңғайлы, қауіпсіз және қолжетімді ету.
Жамбыл облысы Түрксіб станциясының вокзалы кешенді қайта жаңартудан өтті. 1927 жылы салынған екі қабатты ғимараттың жалпы ауданы 1273,6 шаршы метр, тәуліктік жолаушылар ағыны 300 адамнан асады.
Ақмола облысындағы Есіл вокзалы 1943 жылы салынған. Қайта құрудан кейін оның ауданы 406-дан 485,4 шаршы метрге дейін өсті. Орташа тәуліктік жолаушылар ағыны 200 асады, ал станция арқылы 18 жолаушылар пойызы өтеді.
1973 жылы салынған Елтай станциясы да толығымен жаңартылып, жалпы ауданы 217,9-дан 246,8 ш.м. дейін ұлғайды. Станция арқылы 10 жолаушылар пойызы өтеді. Екі нысанда да шатыр, инженерлік желілер мен ішкі үй-жайлар жаңартылып, перрондар қайта жасалды және іргелес аумақтар абаттандырылды. Қасбеттер заманауи әрлеуге ие болды.
Қайта құру кезінде қауіпсіздік пен қолжетімділікке ерекше назар аударылды. Қосымша эвакуациялық жолдар ұйымдастырылып, өртке қарсы есіктер орнатылды, мобильділігі төмен жолаушылар үшін пандустармен жабдықталды. Әрлеуде негізінен берік, отқа төзімді және оңай жуылатын қазақстандық өндірістің материалдары пайдаланылды.
1970 жылы салынған Атырау облысындағы Исатай станциясының вокзалы қайта жөндеуден кейін аумағын 129,3-тен 214,65 шаршы метрге дейін ұлғайтты. Мұнда шатыр, инженерлік жүйелер, қасбет және ішкі үй-жайлар жаңартылып, іргелес аумақ абаттандырылды. Әрлеу үшін қазақстандық өндірістің заманауи материалдары қолданылды.