Теміржолшылар көшесінде сенбілік өтті

Жамбыл магистральдық желі бөлімшесіне қарасты Луговой рельс дәнекерлеу кәсіпорнының жұмысшы-қызметкерлері бір кісідей жұмылып сенбілікке шықты, деп хабарлайды Rail-news.kz.

Олар Түрксіб станциясындағы Теміржолшылар көшесінің тазалығына жауапты, ондағы абаттандыру жұмыстарын жүргізуді шефтік қамқорлыққа алған. Өткен сенбілікте де теміржолшылар атындағы көшені тазалап, жол жиегіне жаңадан 57 дана талдарақ отырғызды. Кәсіпорынның директоры Бақтияр Түлековтің айтуынша, жыл сайын көктем және күз айларында теміржолшылар құрметіне аталған көшеде тазалық жұмыстарын жүргізіп тұру дәстүрге айналған.