Омбудсмендер мен медиаторлардың бірінші форумы өтті
«ҚТЖ» ҰК» АҚ қызметкерлері «Самұрық-Қазына» АҚ омбудсмендері мен медиаторларының бірінші форумына қатысты. Іс-шара Әлеуметтік өзара іс-қимыл және коммуникация орталығының (ӘӨКО) бастамасымен ұйымдастырылды, деп хабарлайды Rail-news.kz.
Форумда медиаторлардың жеке және ұжымдық еңбек дауларын шешу ерекшеліктері, бірнеше медиатордың қатысуымен бірлескен медиацияны өткізу тәртібі талқыланды. Сондай-ақ, ішкі медиаторлардың біліктілігін арттыру үшін практикалық кейстерді егжей-тегжейлі талдау жүргізілді. Қатысушылар келіссөздер жүргізу және еңбек дауларын шешу тәжірибелерімен бөлісті.
ӘӨКО Бас директоры Елдос Өмірзақов «Нысана» бастамашыл ақпараттандыру жедел желісі мен Samruk Research Services (SRS) әлеуметтанулық платформасы Call-орталығының жұмысы туралы хабардар етті. Көпарналы болғанның арқасында call-орталық бүкіл Қазақстан бойынша өндіріс қызметкерлері үшін қолжетімді. SRS платформасы әлеуметтік зерттеу құралдарын қолдана отырып, компаниялардың жұмысындағы жүйелік проблемаларды анықтап, оларды талдайды және басшылар мен омбудсмендерге ұсыныстар береді.
Бірінші форум компаниялардағы моральдық-этикалық ахуалды жақсартуға үлес қосқан үздік медиаторлар мен омбудсмендерді арнайы дипломдармен және алғыс хаттармен марапаттаумен аяқталды. «ҚТЖ» ҰК» АҚ адам ресурстарын басқару департаментінің бас менеджері Замир Серіков ситуациялық ойында жеңімпаз атанды, онда ол медиатор ретінде өз дағдыларын қолдана алды.