Теміржолшылар отбасынан шыққан 400-ден астам бала сауықтыру лагерінде демалды
Балалар демалысы Ақмола, Қостанай, Түркістан, Маңғыстау, Жамбыл облыстарындағы «Лесная сказка», «Парус», «Машат», «Болашақ» және «Балдәурен» лагерьлерінде ұйымдастырылды, деп хабарлайды Rail-news.kz.
Жазғы ауысым аясында мұғалімдер мен тәлімгерлер балалармен түрлі спорттық-шығармашылық шаралар мен тақырыптық кездесулер өткізеді. Бірінші ауысымда денсаулық сақтау мекемелеріндегі демалысты ұйымдастыру ата-аналардың көңілінен шықты.
«Лагерьде өткен уақыт пайдалы әрі қызықты болды. Балалардың өмірі жарқын жағымды оқиғаларға толы болды», — дейді екі баланың анасы, автоматтандыру және цифрландыру дирекциясының менеджері Наталья Васкина.
2023 жылы сауықтыру науқаны «ҚТЖ» ҰК» АҚ және оның еншілес ұйымдары қызметкерлерінің 6 000-нан астам баласын қамтитын болады.