ҚТЖ «Самұрық-Қазына» Қоры өткізген Өндірістік қауіпсіздік жөніндегі II форумға қатысты
2023 жылғы 4 тамызда «Самұрық-Қазына» АҚ Өндірістік қауіпсіздік бойынша II форум өткізді. Іс-шараға Қор басшылығы, ҚР Еңбек және әлеуметтік қорғау министрлігінің, ҚР Төтенше жағдайлар министрлігінің өкілдері, сондай-ақ портфельдік компаниялардың бірінші басшылары қатысты.
Форумға қатысушыларға арнаған құттықтау сөзінде «Самұрық-Қазына» АҚ Басқарма Төрағасы Нұрлан Жақыпов: «Форум Қор тобы қызметкерлерінің әрқайсысы қауіпсіздігін қамтамасыз ету үшін барлық портфельдік компаниялардың ортақ күш-жігерін біріктіру үшін ұйымдастырылды», - деп ерекше атап өтті.
«Самұрық-Қазына» АҚ Корпоративтік басқару, әлеуметтік-еңбек қатынастары және еңбекті қорғау жөніндегі басқарушы директоры Ғибрат Ауғановтың айтуынша, өткен жылдың соңында Қор үш бағыт: адамдар және қауіпсіздік мәдениеті деңгейін арттыру; технологиялық жабдықтарды пайдалану кезінде қауіпсіздікті қамтамасыз ету; төтенше жағдайлардың алдын алу бойынша 38 нақты іс-шарадан тұратын 2023 жылға арналған өндірістік қауіпсіздік жөніндегі іс-шаралар жоспарын бекітті.
- Портфельдік компанияларда өндірістік қауіпсіздікті басқару жүйесін жетілдіру және жарақаттану мен апаттардың алдын алуға бағытталған іс-шараларды іске асыру процесі Қордың тұрақты бақылауында, - деді Ғибрат Ауғанов.
Мемлекеттік органдар өкілдері еңбекті қорғау, өнеркәсіптік және өрт қауіпсіздігі саласындағы мемлекеттік саясатты дамыту туралы баяндамалар жасады.
«Қазақстан темір жолы» ҰК» АҚ, «Қазатомөнеркәсіп» ҰАК» АҚ, «ҚазМұнайГаз» АҚ, «Эйр Астана» АҚ, «QazaqGaz» АҚ, «Самұрық-Энерго» АҚ, «KEGOC» АҚ портфельдік компанияларда "нөлдік жарақаттану" тұжырымдамасының «Жеті алтын ережесін» енгізу туралы айтып берді.
Сонымен қатар, форумда халықаралық ұйымдар мен компаниялар өкілдері еңбекті қорғау саласындағы әлемдік жетістіктер туралы мәліметтерімен бөлісті. Оның ішінде «Аджип Қарашығанақ Б.В.», «Halliburton International GmbH», «Норт Каспиан Оперейтинг компания Н.В.», «Finch Global», Gascoyne Resources», ABRRAS Training сарапшылары бар.
Өз сөзінде «ҚТЖ» ҰК» АҚ бас инженері Батыр Котырев компания Vision Zero-ға 2019 жылдың қаңтарында ресми түрде қосылғанын және 2022 жылдан бастап мерзімсіз сертификатқа ие екенін атап өтті. Ол іс жүзінде № 2 Vision Zero «Тәуекелдерді анықтау - қатерлерді бақылау» алтын ережелерін іске асыруды көрсететін компания жүзеге асырып жатқан негізгі іс-шаралар туралы егжей-тегжейлі айтып берді.
«ҚТЖ» ҰК» АҚ Басқарма Төрағасы Нұрлан Сауранбаев VISION ZERO – нөлдік жарақаттануға қол жеткізу тұжырымдамасы халықаралық бағдарламасын іске асыру шеңберінде компанияның әрбір қызметкеріне өмірге және денсаулығынан айрылуға тікелей қатер төндіретін қауіптер анықталған жағдайда қауіпті жұмыстарды тоқтату құқығы міндеттемесіне қол қойды.
Сондай-ақ, тәуекелдерді анықтау және сәйкестендіру процесі ең жақсы тәжірибеге сәйкес реттеледі. «Қауіптер мен экологиялық аспектілерді сәйкестендіру, тәуекелдерді бағалау және басқару» стандарты бекітілді. ӨҚАЖ жүйесіндегі Тәуекелдерді бағалау және Басқару бойынша есеп функциясы автоматтандырылған. Қазіргі уақытта Компанияның барлық бөлімшелері қауіптер мен тәуекелдер тізілімдерін қағазсыз есепке алуға көшті.
Бұдан басқа, «LOCKOUT-TAGOUT» қауіпсіздік жүйесін қолдана отырып, электр қондырғыларында жұмыс істеу кезіндегі нұсқаулық» әзірленді және бекітілді. Тәуекелдерді бақылау және алдын алу тәсілін іске асыру үшін қысқа мерзімді және орта мерзімді кезеңдегі алдын алу іс-шараларының мерзімді әзірленетін және іске асырылатын кешенді жоспарлары ерекше орын алады.
Компанияда әрбір қызметкер ӨҚАЖ негізінде ұялы телефонға push-хабарламалар арқылы келетін Молния мен Бюллетеньдер арқылы орын алған тәуекелдер туралы хабардар етіледі. Сондай-ақ, өндірістік қауіпсіздік деңгейін бақылауды күшейту үшін үш жаңа ПӘК қабылданды, онда реактивті көрсеткіштермен қатар өндірістік жарақаттанудың алдын алуға және болдырмауға бағытталған проактивті тиімділік енгізілді.