«Батареяны тапсыр да кірпіні құтқар!» жобасы аясында 200 келіден астам пайдаланылған батарея жиналды
«ҚТЖ-Жүк тасымалы» ЖШС-да пайдаланылған қуат көздерін жинау бойынша «Батареяны тапсыр да кірпіні құтқар!» акциясының қорытындысы шығарылды. Осы жылдың 8 айында жол бөлімшелерінің экологтары кәдеге жарату үшін 201 килограмнан астам пайдаланылған батареяларды жинады.
Көшбасшылар үштігіне Семей (50 килограмм жиналды), Жамбыл (45 килограмм) және Қызылорда (35 килограмм) жол бөлімшелері кірді.
Акцияның мақсаты – қоршаған ортаны қорғау мен экологияға назар аудару. Мұндай өнімдерді жинау және өңдеу адамның салауатты өмір сүруі үшін табиғатты сақтауға ықпал етеді. Батареялар қауіпті 1 класты қалдық болып табылады. Олардың құрамында көптеген қауіпті элементтер бар, қоршаған ортаға енген кезде топырақты, жер асты суларын және ауаны улайтын зиянды заттар шығарады.
