Гендерлік тепе-теңдік – теңдік белгісіне ұмтылу
Әлемдік деңгейде де, жекелеген елдер мен компаниялар деңгейінде де қазір гендерлік теңдікті ілгерілету мәселесі өткір тұр. «ҚТЖ» ҰК» АҚ-да бұл мәселе күн тәртібінде.
Бүгінгі таңда компания ҚР-дағы ең ірі және тұрақты жұмыс беруші болып табылады. ҚТЖ-да 26 мыңнан астам әйел жұмыс істейді, бұл қызметкерлердің жалпы санының 23% құрайды.
Магистральда жұмыс істеу тек жоғары біліктілікті ғана емес, сонымен бірге толық берілгендікті де қажет ететініне қарамастан, олар әлі де үймен, отбасымен толық айналысып, туыстары мен жақындарына уақыт бөліп, қызықты хоббиімен, қызығушылығымен және спортпен де айналысып келеді.
Тіпті, бір қарағанда «әйелге тән емес» жол монтері, локомотив машинисі, пойыз диспетчері, СОБ электромеханигі сияқты мамандықтарда да нәзік те талғампаз қыздар жұмыс істейді. Бүгінгі таңда әйелдер компанияның топ-менеджментінде де жұмыс істейді, бөлімше басшылары да бар – екі мыңнан астам, мамандар – тоғыз мыңнан астам, қызметшілер – жеті мыңнан астам, жұмысшылар – жеті мыңнан астам, оның ішінде жоғары салалық наградамен марапатталған «Құрметті теміржолшы» белгісімен – 30 астам адам.
Бұл ретте, теміржолшылардың әлеуметтік пакеті ана мен баланың денсаулығын қолдауға бағытталған жеңілдіктерді қамтиды. Мысалы, баланың туылуына, асырап алуына байланысты ақылы әлеуметтік демалыстар; кез келген жастағы баланы асырап алуға байланысты материалдық көмек; жұмыс істейтін әйелдерге бір жарым жасқа дейінгі баланы тамақтандыру үшін қосымша үзілістер беру және басқалар.
Сондай-ақ, 2023-2024 жылдарға арналған ESG рейтингін жақсарту мақсатында «жол картасы» әзірленді, оның негізінде өз кезегінде ҚТЖ-да гендерлік теңгерімді белгілеу жөніндегі іс-шаралар жоспары құрылды.
Теміржолшы нәзік жандарды оқытуға, өзін-өзі дамытуға көп көңіл бөлінеді. Тек 2023 жылдың басынан бастап компанияның 2100 қызметкері оқудан өтті. Олар «Басшының негізгі дағдылары», «Еңбекті қорғау», «Күзетшілердің біліктілігін арттыру», «Еңбек заңнамасының негіздері», «Әйелдер және тұрақты даму мақсаттары», «Теңдік және мүмкіндіктерді кеңейту» және т.б. сияқты қызықты және пайдалы оқыту модульдерін оқыды.