Өңіраралық мобильді жедел әрекет ету топтары пойыздарды қорғауды күшейтеді

Криминогендік жағдай деңгейі жоғары магистральдық желі учаскелерінде «ӘТЖК» ЖШС өңіраралық жедел әрекет ету мобильдік топтары пилоттық режимде құрылады, деп хабарлайды Rail-news.kz.

Әр топқа физикалық және кәсіби дайындығын ескере отырып, ең жақсы дайындалған қызметкерлердің ішінен таңдалған 13 күзетші кіреді.  

Мобильді топтарға қосымша қызмет көрсету учаскелері бекітілді:  

— Қарағанды және Ақмола филиалдары,  

— Семей, Павлодар және Достық филиалдары,  

— Алматы, Тараз және Түркістан филиалдары Арыс станциясына дейін.  

 Қызметтің негізгі бағыты — қажет болған жағдайда көрші өңірлерге жедел шығу мүмкіндігі бар тұрақты орналасқан пункттердегі теміржол құрамдарын күзету.  

Бұдан басқа, жеке құрам алдын алу іс-шараларын жүргізуге, сондай-ақ контейнерлік пойыздарды өтпелі немесе эстафеталық сүйемелдеуді қамтамасыз етуге қатысады.  

Оң нәтижелерге қол жеткізген кезде жобаны теміржол желісінің басқа да учаскелеріне кеңейту жоспарлануда. Бұл көліктегі қауіпсіздік деңгейін арттыруға және жүктердің неғұрлым сенімді қорғалуын қамтамасыз етуге мүмкіндік береді.