Үздік теміржолшылардың суреттері ҚТЖ ғимаратының LED-экранынан көрсетілді
Республика күні қарсаңында «Қазақстан темір жолы» ҰК» АҚ әкімшілік ғимаратының LED-экранында «Біздің арамыздағы батырлар» сериясынан кезекті бейнеролик ұсынылды, деп хабарлайды Rail-news.kz.
Бейнероликте стандартты емес жағдайларда жоғары кәсібилік, жауапкершілік және ұстамдық танытқан 22 теміржолшы көрсетілген. Олардың ұқыптылығы мен жедел әрекеттері арқасында көлік қозғалысы мен тасымалдау процесінің қауіпсіздігі үшін ауыр зардаптарға әкелуі мүмкін оқиғалардың алды алынды.
Батырлар қатарында – кірме жолдағы ақауларды уақтылы анықтаған және вагондардың рельстен шығып кетуіне жол бермеген Тобыл станциясының пойыздар құрастырушысы Александр Яковаш; рельстің сынғанын анықтаған Қарағанды станциясының пойыздарын құрастырушы Мұхамедкәрім Шынболат; Қарағанды жүк тасымалдау бөлімшесінің қозғалыс қауіпсіздігі жөніндегі учаске бастығы Рахат Омаров бар.
Есіл және Балқаш локомотив пайдалану деполары тепловоздарының машинистері мен көмекшілері — Бауыржан Мұсаев, Алтынбек Сапан, Тимур Рахметов, Виталий Андриенко және Жаңаскар Омаров — қарғын судың жиналуын уақтылы анықтап, қауіпсіздіктің ықтимал бұзылуының алдын алып, қозғалыс қауіпсіздігін қамтамасыз етті.
Қостанай вагон пайдалану депосының вагондарын тексеруші-жөндеушілер Сергей Ступко мен Мақшар Жеңістан вагондардың рельстен шығып кетуіне жол бермей, роликті букстардың бұзылуын анықтады.
Вагондарды қабылдаушылар Андрей Колесников (Алматы) және Әнуар Дүненбаев (Павлодар), сондай-ақ жолаушылар вагондарын жөндеу шебері Ерлан Рақымжанов («Вагонсервис» АҚ) жолаушылар құрамының ақауларын анықтап, қозғалыс қауіпсіздігінің бұзылуын болдырмады.
Жол дистанциясының қызметкерлері де қауіпсіздікті қамтамасыз етуге үлкен үлес қосты.
Атбасар жол дистанциясының жол шебері Максим Хлебников, монтерлер Серікбосын Бекентаев (Аягөз), Генерал Бошаев және Әлия Ахмағанбетова (Ақадыр), Василий Жалалов (Арқалық) және Олжасын Ержанов (Қостанай) пойыздардың ықтимал жолдан шығып кетуін болдырмай, ақаулы және сынған рельстерді анықтады.
Ақжайық сигнал беру және байланыс дистанциясының электромеханигі Әскер Жұмалиев пен Алматы электрмен жабдықтау дистанциясының электромеханигі Марат Шайкенов инфрақұрылымның қауіпті ақауларын уақтылы жойды.
Атырау станциясының дефектоскоп арбасының операторы Ерсайын Қуанышев пойыздар қозғалысының қауіпсіздігіне қауіп төндіретін рельстердің жасырын ақауын анықтады.
«Қазақстан темір жолы» ҰК» АҚ күн сайын бүкіл ел бойынша пойыздардың қауіпсіз және үздіксіз қозғалысын қамтамасыз ететін өз қызметкерлеріне алғысын білдіреді. Олардың кәсібилігі, зейіні мен жауапкершілігі бүкіл ұжымға үлгі болып табылады және қоғамдық құрметке лайық.