АҚШ үкіметінің өкілдері Астанадағы Локомотив құрастыру зауытына барды
АҚШ Президентінің Оңтүстік және Орталық Азия мәселелері жөніндегі арнайы өкілі Серджио Гор мен АҚШ Мемлекеттік хатшысының орынбасары Кристофер Ландау Қазақстан астанасында орналасқан «Локомотив құрастыру зауытына» (Wabtec) барды, деп хабарлайды Rail-news.kz.
Америка үкіметінің өкілдері зауыттың өндірістік қуаттымен танысып, кәсіпорынның техникалық жабдықталуын бағалады және 2024 жылы ашылған Wabtec инженерлік орталығының жұмысын зерттеді.
Зауыт өз жұмысын 2009 жылы бастады және салыстырмалы түрде аз уақыт ішінде қазақстандық машина жасауда жетекші орынға шықты. Қатысушылар Wabtec компаниясының Қазақстанмен 25 жылдан астам табысты ынтымақтастығының ұзақ тәжірибесін атап өтті.
Кәсіпорын шығаратын локомотивтер энергетикалық тиімділіктің, қуаттың және сенімділіктің жоғары көрсеткіштерімен ерекшеленеді. Кабина ішінде машинистер үшін ыңғайлы жағдайлар: ауа баптағыш, тоңазытқыш, микротолқынды пеш және био дәретхана бар.
Зауыт іске қосылған сәттен бастап 675 бірлік техника шығарылса, оның 42-сі ТМД елдеріне және жақын шет елдерге жөнелтілді.
