«ҚТЖ – Жүк тасымалы» жаңа Конституциясының жобасын талқылады
«Қазақстан темір жолы» ҰК» АҚ бөлімшелері мен филиалдарында қызметкерлерді Қазақстан Республикасының жаңа Конституциясының жобасы туралы ақпараттандыру және алдағы республикалық референдумға дайындау бойынша ауқымды жұмыс жалғасуда, деп хабарлайды Rail-news.kz.
Бүгін іс-шара «ҚТЖ – Жүк тасымалы» ЖШС-де өтті. Кездесу аралас форматта өтті: кәсіпорын басшылығы мен барлық өңірлік филиалдар өкілдері ZOOM платформасы арқылы талқылауға қосылды. Спикерлер конституциялық реформаның негізгі ережелеріне, оның шеңберінде мемлекеттік басқаруды жаңғырту, билік институттарының рөлін күшейту және азаматтардың құқықтарын қорғау тетіктерін жетілдіру жоспарлануда екендігіне егжей-тегжейлі тоқталды.
«ҚТЖ – Жүк тасымалы» ЖШС қызметкерлері пікірталасқа белсенді қатысып, көлік-логистикалық саланың тиімді дамуы тұрақты құқықтық ортамен, мемлекеттік процестердің ашықтығымен және қызметкерлердің құқықтық қорғалуын сенімді қамтамасыз етумен тікелей байланысты екенін атап өтті.
Серіктестіктің бас директоры (Басқарма төрағасы) Асан Үмбетов өз сөзінде әділеттілік қағидаттарын нығайтуға, азаматтық қатысу институттарын дамытуға және мемлекеттік басқарудың неғұрлым теңдестірілген моделін қалыптастыруға бағытталған жаңартылатын конституциялық нормалардың маңыздылығын атап өтті.
Құқықтық мәселелер жөніндегі атқарушы директор У. Уаисов реформаның негізгі тұжырымдамалық ережелерін ұсынды.
Іс-шара барысында қызметкерлерге мемлекеттік жүйе, адам құқықтары, билікті ұйымдастыру, сот төрелігі, жергілікті басқару және өзге де негізгі салалар мәселелерін қамтитын 11 бөлімнен тұратын Конституция жобасының құрылымы ұсынылды.
Конституция жобасын түсіндіру бойынша ақпараттық жұмыс «ҚТЖ – Жүк тасымалы» ЖШС барлық филиалдары мен құрылымдық бөлімшелерінде жалғастырылатын болады.