Бейжіңде Қазақстан мен Қытайдың теміржол әкімшілігі басшыларының кездесуі өтті
Бейжіңде «ҚТЖ» ҰК» АҚ Басқарма төрағасы Талғат Алдыбергенов Қытай темір жолдары Мемлекеттік корпорациясы Директорлар кеңесінің Төрағасы Го Чжусюмен келіссөздер жүргізді. Қысқа мерзім ішіндегі бұл үшінші кездесу Қазақстан мен Қытай тж әкімшілігінің өзара тығыз іс-қимылын білдіреді, деп хабарлайды Rail-news.kz.
Келіссөздер барысында қытайлық тарап 2025 жылғы Жүк тасымалы көлемінің жоспарлы әрі тұрақты өсуін қанағаттанушылықпен атап өтті және тараптар 2026 жылға арналған мемлекетаралық шекара пункттері арқылы тасымалдау мен пойыздар алмасу көлемін одан әрі ұлғайту жоспарларын белгіледі.
ТХКБ, «Қытай – Еуропа», «Қытай – Орталық Азия» және «Қытай – РФ» сияқты негізгі бағыттар бойынша контейнерлік сервистерді бірлесіп дамытуға ерекше назар аударылды.
Транзиттік әлеуетті нығайту үшін тараптар контейнерлік пойыздар санын ұлғайту, өзара іс-қимыл процестерін цифрландыруды тереңдету және тасымалдарды жоспарлау мен басқару жөніндегі ақпаратты алдын ала беру туралы уағдаласты.
Ауқымды жұмыс инфрақұрылымдық жобаларға да әсер етеді: «Алашаңқай – Достық» учаскесінде екінші жолдардың құрылысын үйлестіру, терминалдық қуаттарды дамыту, сондай-ақ «Жетіген – Алтынкөл» және «Қорғас – Цзинхэ» учаскелерін жаңғырту жоспарлануда.
«Бақты – Тачэн» үшінші трансшекаралық теміржол өткелінің жобасын іске асыру, оның ішінде жүктердің болжамды көлемі мен номенклатурасын айқындау күн тәртібінің жекелеген тармағы болды.
Сонымен қатар, мәдени байланыстарды нығайту мақсатында тараптар Қытайдан Қазақстан қалаларына және Орталық Азия елдеріне туристік пойыздың іске қосылуын талқылады.