Мыңнан астам шетелдік көші-қон заңнамасын бұзған
Жыл басынан бері көші-қон заңнамасын бұзғаны үшін 1 049 шетелдік азамат әкімшілік жауапкершілікке тартылды. Олардың 257-сі сот шешімімен ел аумағынан шығарылды. Сонымен қатар, қос азаматтықтың 52 дерегі анықталып, тиісті шаралар қабылданды, деп хабарлайды Rail-news.kz.
Атап айтқанда, Петропавл станциясындағы көліктегі полиция бөлімінің қызметкерлері «Новосибирск – Белгород» бағытындағы жолаушылар пойызын тексеру барысында Қазақстан Республикасының азаматтығы туралы заңнамасын бұзу дерегін анықтады.
Жолаушылардың арасында 40 жастағы Ресей Федерациясының азаматы белгілі болды. Ол заңда белгіленген мерзімде шетел азаматтығын алғаны туралы хабарламаған. Аталған азаматқа қатысты әкімшілік хаттама толтырылып, іс материалдары сотқа жолданды.
Сот шешімімен құқық бұзушы әкімшілік жауапкершілікке тартылып, оған 100 АЕК (432 500 теңге) мөлшерінде айыппұл салынды.