Өндіріс қауіпсіздігі сақталуы шарт

Жаңалықтар

20.04.2018, 15:32

Қызылорда бөлімшесі техникалық бөлімінің еңбекті қорғау және қауіпсіздік техникасы жөніндегі жетекші инженері Ғабит Тілеубаев ағымдағы жылдың алғашқы тоқсанында аймақ теміржолшылары өндірістік жарақатсыз жұмыс істегенін және екі айлық акцияны талап деңгейінде өткізгенін жеткізді. Бөлімшеде «ҚТЖ» ҰК» АҚ техникалық саясат бойынша вице-президенті И.Костыряның 21.02.2018 жылғы телеграфтық нұсқамасы негізінде «Еңбек қауіпсіздігі бойынша айрықша жұмыс тәртібі» тақырыбымен және «Санитарлық-тұрмыстық жағдайды жақсарту» тақырыбында Бас инженер Б.Котыревтың 17.02.2018 жылғы телеграфтық пәрмені бойынша айлықтар өткізілген. Бөлімше директорының бұйрығымен комиссиялық жұмысшы тобы құрылып, оның төрағасы Аманкелді Арысбаевтың басшылығымен жауапты мамандар мен барлық станция басшыларынан құралған топ теміржол нысандары және теміржолшылардың жұмыс жағдайын тексеруден өткізген. – Биылғы жылдың алғашқы тоқсанында Қызылорда жүк тасымалы бөлімшесі бойынша 1 теміржолшыға өндірістік жарақаты үшін ай сайын 51400 теңге төленуде. 1615 теміржолшының денсаулыққа зиянды және қауіпті саналатын орындарда жұмыс жасағаны үшін айлық табысына 8-12 пайыз көлемінде өтемақы, 153 адамға сүт берілсе, ал 583 теміржолшыға еңбек демалысына 6-12 күн қосылды, – дейді бөлімшенің техникалық бөлімінің жетекші инженері Ғалия Көпжасарова. Комиссия тобының мүшелері бекеттер мен станцияларды өндірістік жұмыс атқару барысында жеке және ұжымдық қауіпсіздік шараларын арттыру, электр желілері маңында теміржолшының қауіпсіздік талаптарын сақтауы, пойыз құрастырушының жұмысын үйлестіруі, вагон қараушының еңбек қорғау нұсқамасы талаптарын орындау деңгейін анықтау мақсатында 19 рет тексеру ұйымдастырып, бекеттерде жиналыс өткізіпті. – Теміржолшының санитарлық-тұрмыстық жайын жақсарту шараларын арттыру, техникалық қауіпсіздік және еңбек қорғау талаптарын жақсарту жайлы түсіндіру жұмыстары жүргізілді. 53 рет тосын тексеру жасалып, анықталған кемшіліктердің орындалу мерзімі белгіленіп, жауапты мамандар бекітілді. Акция кезінде теміржолшылардың еңбек қорғау, техникалық қауіпсіздік талаптарын орындауына баса назар аударылып, олардың күнделікті орындауы қажет өндірістік-техникалық жұмыс талабын үстеме пысықтаулар жүргізілді, – дейді бөлімшенің техникалық бөлімінің еңбекті қорғау және қауіпсіздік техникасы жөніндегі жетекші инженері Ғабит Серікұлы. Сонымен қатар, жұмысшылардың технологиялық және еңбек тәртібін орындауы қадағаланып, қауіпсіздік талаптары мен ережелерін білу деңгейі, технологиялық инструкцияны игеру дәрежесін білуі, теміржолшылардың ұжымдық жеке қорғаныс заттарымен қамтамасыз етілуі бақыланып, теміржолшылардың күнделікті және ауысымаралық дәрігерлік тексеруден өткізілуі де назардан тыс қалмаған. Акция кезінде станциялар мен бекеттерде өткізілген тексерулер нәтижесінде 58 кемшілік анықталып, актіленген. Мысалы, ғимараттардың тұрмыстық жағдайына байланысты 10 кемшілік көзге ілінсе, киім ілгіш шкафтарының жетіспеуі де 10 жерде актіленген, 6 рет ауа желдеткішінің болмауы тіркелген, 11 шағын бекетте күнделікті және арнайы жұмыс киімдерін кептіретін орынның жоқ екені анықталған. – Жалпы алғанда акция кезінде теміржолшылардың санитарлық-тұрмыстық жағдайын жақсарту үшін бөлімше бойынша 87 стол, 325 орындық, 167 кондиционер, 123 қысқа толқынды пеш, 135 электр шәйнегі, 64 тоңазытқыш керек екені анықталып, құжатталды, – дейді бөлімшенің техникалық бөлімінің еңбекті қорғау және қауіпсіздік техникасы жөніндегі жетекші инженері Ғабит Серікұлы.

Өндіріс қауіпсіздігі сақталуы шарт

Басқа да жаңалықтар

Қазақстан теміржолшысы газеті, №16 03 наурыз 2026 жыл