Жолаушылар пойыздарына бақылау күшейтілді - ҚТЖ

Сұлугүл Бакесова

«Қазақстан теміржолшысы» газетінің тілшісі

Жолаушылар пойыздарына бақылау күшейтілді. Атап айтқанда, 2022 жылдың алғашқы бес айында 200 жолаушылар пойызына тексеріс жүргізілген. Бұл туралы Көлік комитеті төрағасының міндетін атқарушы Қасым Тілепов Орталық коммуникациялар қызметі алаңында айтты.

Қорытындысы бойынша 431 рет жолаушыларды тасымалдау қағидаларының талаптары бұзылғаны анықталған. Бүгінгі күнге дейін 31,2 млн теңге көлемінде айыппұл өндірілген. 

Отандық темір жол және әуе тасымалдаушы компания өкілдері жол жүру билеттерінің өсуі мен сервис сапасы жайында, сондай-ақ рейстердің келу және жөнелтілу барысында туындаған мәселелер төңірегінде де түсініктеме берді. 

«Жолаушылар тасымалы» АҚ Басқарма төрағасы Жәнібек Тайжановтың айтуынша, бүгінгі күні еліміздің темір жол желісі арқылы жолаушылар 138 бағытта тасымалданса, оның 104-і «Жолаушылар тасымалы» АҚ еншісінде, 28-і жеке тасымалдаушылар, 6-уы көрші елдердің пойыздары болып отыр. «Шілде-тамыз айларында қосымша үш жаңа бағдар іске қосылады. Атап айтсақ, Нұр-Сұлтан – Шымкент, Нұр-Сұлтан – Қостанай және Нұр-Сұлтан – Алматы. Бастапқы екі бағдар бойынша пойыздар Тальго вагондарынан жасақталатын болады», – деп атап өтті Жәнібек Тайжанов.

 Оның айтуынша, «Жолаушылар тасымалы» АҚ қарамағында 2215 вагон бар, оның 670-і Тальго құрамдары, ал қалғаны стандартты ескі үлгідегі вагондар екен. Олардың арасында желдеткіші жоқтары да бар. 

«Өткен жылы біздің тарапымызға айтылған сын-ескертулерді ескере отырып, биыл Алакөл курорттық аймағына қатынайтын пойыздар түгелдей желдеткіші бар вагондардан жасақталды. Биылғы жылы Алакөлге барлығы 11 бағыт бойынша жолаушылар пойыздары қатынауда. Оның 9-ы «Жолаушылар тасымалы» компаниясының, ал екеуі жеке тасымалдаушылар пойызы. Бұдан бөлек биыл ҚР ИИДМ Көлік комитетімен бірлесіп, алғаш рет Алматы – Достық бағыты бойынша Тальго вагондарымен екі пойыз қатынасы ұйымдастырылды. Сонымен қатар халықаралық рейстер ашылды. Мәселен, бүгінгі таңда мемлекетаралық 11 бағдар бар, олар Ресейдің Омбы, Самара, Астрахан қалаларына, Өзбекстан және Қырғызстан астаналарына қатынайды», – деп түйіндеді сөзін спикер. 

БАҚ өкілдерінің сервис, билет сатылымына қатысты сұрақтарына «Жолаушылар тасымалы» АҚ басшысы жолаушылар пойыздарына қызмет көрсетудің жаңа стандарттары енгізілгенін, оның шеңберінде пойыз жолға шығар алдында, жол үстінде әр төрт сағат сайын тазаланып тұратынын және сапардан оралған соң тағы да тазалық жұмыстарынан өтетінін айтты. Ал билет сатылымына қатысты спикер екі жылдан бері «Мобиус» бағдарламасы жұмыс істеп жатқанын және ол билетті алыпсатарлыққа жол бермейтінін, сондықтан бүгінде бұл мәселе толық шешілгенін мәлімдеді.

Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет
Жаңалықтар / Мұрағат
01.04.2025
Қазақстан теміржолшысы газеті, №24 01 сәуір 2025 жыл
Жаңалықтар
31.03.2025
Транскаспий дәлізіне Словенияның «Лука Копер» теңіз порты қатысады
Қауіпсіздік
31.03.2025
Өрт сөндіру пойызы дайындықтарын шыңдады
Жаңалықтар
31.03.2025
Аягөз қалпына келтіру пойызы үшін жаңа кран сатып алынды
Аймақтар
31.03.2025
Экология айлығы аясында сенбілік өтті
ҚТЖ келбеті
31.03.2025
Тыл ардагері – тоқсан жаста