Ұлттық тасымалдаушы бірнеше пойыздан заңбұзушылықты анықтады

«Жолаушылар тасымалы» АҚ орталық аппаратының қызметкерлері №85/86 «Шымкент-Астана», №11/12 «Шымкент-Алматы» және №3/4 «Алматы-Астана» пойыздарындағы қызмет көрсету деңгейі мен қызмет сапасын тексерді. Мұндай тексерулер жүйелі түрде жүргізіледі, деп хабарлайды Rail-news.kz.

Аталған тексеру барысында Ұлттық тасымалдаушының стандарттарына сәйкес келмейтін бірқатар бұзушылықтар мен сәйкессіздіктер анықталды. №85/86 «Шымкент-Астана» пойызында тексерушілер кейбір вагондарда сапасыз тазалық пен жиналмаған қоқысты атап өтті. Заңбұзушылықтарға жол берген қызметкерлерге қатаң ескертулер берілді.

№11/12 «Шымкент-Алматы» пойызында жұмсақ алынбалы инвентарьдың бекітілген стандарттарға сәйкес келмейтіні анықталды. Жеткізуші кемшіліктерді жою бойынша шаралар қабылдауға міндеттенеді.

№3/4 «Астана-Алматы» пойызында вагон жолсерігі қосымша ақы үшін тіркелмеген жүк тасымалдау фактісі анықталды. Бұл жолсерікпен еңбек шарты бұзылды.

Ұлттық тасымалдаушы қызмет көрсету сапасын қатаң қадағалап, жолаушылардың ескертулеріне жедел жауап береді.

Қызмет көрсету сапасына қатысты сұрақтар бойынша жолаушылар +7 776 714 5686 нөміріне немесе WhatsApp арқылы байланысу үшін вагондарға орналастырылған QR-кодтарды пайдалана алады.