Осы жылы ҚТЖ пойыздарымен 12,2 млн жолаушы тасымалданды
2025 жылдың басынан бері «Жолаушылар тасымалы» АҚ пойыздарымен 12,2 млн жолаушы тасымалданды. Бұл теміржол көлігіне деген жолаушылар сұранысының тұрақты екенін көрсетеді, деп хабарлайды Rail-news.kz.
• Ұлттық тасымалдаушының жылжымалы құрам паркі 2 218 бірлікті құрайды, оның ішінде:
— Talgo вагондары – 732 бірлік (33%);
— моторвагонды жылжымалы құрам – 126 бірлік (6%);
— стандартты жолаушылар вагондары – 1 360 бірлік (61%).
• Соңғы 10 жылда парк 60%-ға жаңартылды, бұл жолаушылар үшін жайлылық пен қауіпсіздік деңгейін айтарлықтай арттыруға мүмкіндік берді.
• Ұзақ мерзімді жаңғырту бағдарламасы аясында 2030 жылға қарай вагондардың орташа жасы 10 жылға дейін төмендеп, пойыздардың 100%-ы кондиционерлеу жүйелерімен жабдықталатын болады.
• Жылжымалы құрамды жаңартудың маңызды кезеңі – Stadler компаниясымен келісімшарттың жасалуы. Келісім 2030 жылға дейін 557 жолаушылар вагонын өндіруді көздейді, оның ішінде:
— купелік вагондар;
— плацкарт вагондар;
— қозғалысы шектеулі жолаушыларға арналған арнайы вагондар;
— вагон-генераторлар.
• Stadler вагондарының алғашқы партиясы 2025 жылдың соңына дейін жеткізіледі. Өндіруші зауыт 20 жыл мерзімге техникалық қызмет көрсетуді қамтамасыз етеді.
• 2026 жылдан бастап Stadler вагондары келесі бағыттарда пайдалануға беріледі:
— №3/4 «Астана – Алматы»;
— №353/354 «Астана – Семей»;
— №85/86 «Астана – Шымкент»;
— №47/48 «Астана – Атырау».
• Сонымен қатар, Петропавл қаласындағы зауытта өндірілетін отандық жолаушылар вагондарын жеткізу бойынша RWS Wagon компаниясымен ынтымақтастық жалғасуда. 2024–2025 жылдары Ұлттық тасымалдаушыға 279 жолаушылар вагоны мен 18 электр пойызы жеткізілді, ал биылғы жылдың соңына дейін тағы 60 бірлік жылжымалы құрам алу жоспарланып отыр.
• Жаңартылған жылжымалы құрамдар негізгі бағыттарда қатынауда. Олардың қатарында: «Ақтөбе – Атырау», «Павлодар – Түркістан», «Павлодар – Алматы», «Қызылорда – Семей», «Алматы – Саратов», «Алматы – Өскемен», «Астана – Көкшетау», «Астана – Бурабай курорты», «Қарағанды – Астана», «Павлодар – Пресногорьковская», «Алматы – Новосибирск» бағыттары бар.
• «Әйелдер вагоны» жобасы төрт жылдан астам уақыт бойы табысты іске асырылып келеді және 12 бағытта жұмыс істейді. Жоба іске қосылғаннан бері бұл қызметті 822 мың жолаушы пайдаланған.
• Цифрлық сервистерді дамыту билеттерді онлайн сату үлесін едәуір арттырды. 2025 жылы бұл көрсеткіш 91,2%-ға жетті, ал 2024 жылы 84,6% болған.