Су тасқыны кезінде тұрғындарды тасымалдау үшін 1 603 вагон әзірленді

Қауіпсіздік
25.01.2023, 11:49

Көктемгі су тасқынына қарсы 45 пойыз құрамы жасақталып, 61 мың адамды қауіпсіз жерге көшіруге шақталған 1603 вагон әзірленді. Бұл туралы ҚР Үкімет отырысында Индустрия және инфрақұрылымдық даму министрі Марат Қарабаев айтты, деп хабарлайды Rail-news.kz.

Жиын барысында министр Үкімет басшысы Әлихан Смайыловқа республикалық автомобиль және темір жолдарының көктемгі су тасқыны кезеңіне дайындығы туралы баяндады.

Оның айтуынша, дайындық жұмыстары аясында су тасқынына қарсы іс-шаралар жоспары бекітіліп, орталық және өңірлік деңгейлерде комиссиялар құрылған. Бұл іс-шаралар жоспарларына су тасқыны қаупі бар учаскелер мен жол құрылыстарын анықтау және күнделікті тексеру, су тасқынына қарсы және авариялық жұмыстарды жүргізуге инертті және басқа материалдарды дайындау, жол жиектерін, жол құрылыстарын қар мен мұздан тазарту жұмыстарын жүргізу, су өткізгіш құбырлардың тесіктері мен арналарын тазарту жұмыстары кіреді.

Оған қоса тәулік бойы кезекшілік ұйымдастырылып, автожолдар мен жол құрылыстарына күнделікті қарау жүргізілуде.

«Су тасқыны кезеңінде жұмыстарды уақтылы ұйымдастыру үшін инертті және басқа материалдарды дайындау басталды. Қазіргі уақытта материалдардың дайындығы 50%. Атап айтқанда, 13 мың текше метр құм дайындалды, бұл жоспарлы қажеттіліктің 66% құрайды, 3 мың текше метр тас бұл 52%, 11 мың текше метр қиыршық тас - 42%,  244 мың литр жанар-жағар май - 38%. осы жылдың 15 ақпанына дейін қажетті материалдарды дайындау 100%-ға дейін жеткізіледі», – деді Марат Қарабаев.

Сонымен қатар ол ауа-райы жағдайына байланысты ақпан айынан бастап  

5 742 су өткізгіш құбырларды қардан тазарту жұмыстары жоспарланғанын айтты.

Министр су тасқыны кезінде пойыздардың үздіксіз қозғалысын қамтамасы ету бағытында да іс-шаралар қолға алынғанын жеткізді.

«Пойыздардың үздіксіз қозғалысын, жолдар мен жасанды құрылыстарды уақтылы дайындауды қамтамасыз ету үшін «ҚТЖ» Ұлттық компаниясы 2022 жылғы 1 желтоқсандағы №957-ЦЗ бұйрығын бекітті, онда су тасқыны кезеңінде жол мен жасанды құрылыстардың сақталуын және тұрақты жұмысын қамтамасыз етуге бағытталған ұйымдастыру-техникалық іс-шаралар көзделген. Аумақтық ұйымдармен бірлесіп су қоймаларының, агротехникалық бөгеттердің жай-күйін тексеру, сондай-ақ қиын жағдай туындаған кезде Төтенше жағдайлар бойынша облыстық бөлімшелермен өзара іс-қимыл жасау бойынша жұмыстар жүргізілуде», – деді ол.

Өткен жылдардағы тасқын суларды өткізу тәжірибесін талдау арқылы барлық өңірлер бойынша 673 қауіпті орынның тізбесі анықталған. Тасқын сулар өту кезеңінде тәулік бойы кезекшілік және анықталған қауіпті орындарды қарау ұйымдастырылмақ.

«Шойынтас пен рельс пакеттері, сондай-ақ кондициясыз темірбетонды шпалдары қарастырылған ағынға қарсы 45 пойыз құрамы жасақталып жатыр. 61 мың адамды эвакуациялауға шақталған 1 713 локомотив пен 1 603 вагон дайындалды. Сонымен қатар 84 өрт сөндіру пойызы мен қалпына келтіруге арналған кран, трактор және бульдозер сынды техникалар тұрақты дайындықта тұр. Қазір жол қашықтығы бойынша 2,4 мың текше метр  тас пен 8 мың кондициясыз темірбетон шпалдары дайындалды», – деді М. Қарабаев.

Экология және табиғи ресурстар министрі Зүлфия Сүлейменованың айтуынша, ақпан-наурыз айларында температураның күрт көтеріліп, қатты жаңбыр болған жағдайда еліміздің бірақ бөлігінде су тасқыны болуы мүмкін.  

«Қардағы су қорының мөлшерін, топырақтың күзгі ылғалдылығын, топырақтың қату тереңдігін талдай отырып, су тасқыны қауіпті аймақтарға алдын-ала баға берілді. Жоғары тәуекелдермен – Қарағанды, Ақмола, Солтүстік Қазақстан, Қостанай, Шығыс Қазақстан, Абай, Ақтөбе, Батыс Қазақстан, Атырау Алматы, Жетісу, Жамбыл, Түркістан облыстары. Орташа тәуекелді өңірлер қатарында Павлодар, Атырау, Маңғыстау және Қызылорда облыстары бар. Осыған байланысты тиісті мемлекеттік және жергілікті органдар су тасқынына алдын-ала дайындық жасауы қажет», – деді З. Сүлейменова.

 

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды