Маңғыстау станциясында өртті жою жөніндегі командалық-штабтық оқу-жаттығу өтті
Маңғыстау теміржол станциясының битум зауыты аумағында «Шартты өртті жою және авариялық-құтқару жұмыстарын жүргізу» тақырыбында ауқымды командалық-штабтық оқу-жаттығу өтті. Іс-шараға Маңғыстау станциясының өрт сөндіру пойызы белсене қатысты, деп хабарлайды Rail-news.kz.
Оқу-жаттығу күштер мен құралдардың жауынгерлік әзірлігін тексеруге бағытталған іс-шаралардың жан-жақты кешенін көздейді. Жылу пушкасымен және көбік генераторларымен жабдықталған өрт сөндіру пойызын жауынгерлік қанат жаю жүргізілді. Суды және көбік құраушы құрамдарды жылдам беру үшін магистральдық және жұмыс желілері дайындалды. Жану ошақтарын оқшаулау және жақын маңдағы инфрақұрылым объектілеріне өрттің таралуын болдырмау үшін арнайы техника пайдаланылды.
Шартты өртті сөндірудің жалпы ұзақтығы 36 минутты құрады. Оқу-жаттығу негізгі өрт сөндіру техникасының тоғыз бірлігін, жеті мамандандырылған автомобильді тартуды талап етті және өрт сөндіру пойызының, Төтенше жағдайлар департаментінің (ТЖД) және «Семсер» МЕӨҚ бөлімшелерінің 122 қызметкерін жұмылдырды.
Өртті сөндіру үшін 24 м ³ су, 20 литр отын және 270 килограмм көбік пайдаланылды. Іс-шара жеке құрамның төтенше жағдайларды жою жағдайларында өзара іс-қимыл жасауға және міндеттерді тиімді орындауға дайындығының жоғары деңгейін көрсетті.
Іс-шара аясында Маңғыстау және Атырау облыстары ТЖД бастықтарының алғыс хаттарымен ҚТЖ бөлімшесі қызметінің бастығы Қайырхан Таласов пен Атырау облысы қызметінің бастығы Азамат Кусепов марапатталды.
Оқу-жаттығудың өткізілуі персоналды даярлаудың жоғары деңгейін және өңірдің өнеркәсіптік объектілері мен халқының қауіпсіздігін қамтамасыз ете отырып, кез келген төтенше оқиғаларға жедел ден қоюға дайындығын растады.