Балқаштық машинист көмекшісі өлке теміржолы туралы кітап жазды

Әлеумет
01.04.2022, 12:25
Райхан Рахметова

«Қазақстан теміржолшысы» газетінің тілшісі

Балқаш локомотив пайдалану депосының машинист көмекшісі Алмас Арынов өзі қызмет ететін депо тарихы туралы «Темір жолы – өмір жолы» атты кітап шығарды, деп хабарлайды Rail-news.kz.

Қарағандыда арнайы лицейде машинист көмекшісі мамандығы бойынша білім алған Алмас – ордабұзар отыздан енді асқан жас жігіт. Балқаш локомотив депосында 2010 жылдан бері еңбек етеді. Пандемия басталған кезде бос уақытында кітап оқып, білімін жетілдіруді көздеген ол қаладағы кітапханаға бас сұғады. Әдеби кітаптардан бөлек жалпы Қазақстанның, оның ішінде Балқаш теміржолының тарихы туралы кітап іздейді.

– Қазақстанның темір жол тарихы туралы үздік-үздік дүниелер тауып оқыдым, бірақ таң қалғаным, Балқаш теміржолы туралы жазылған ештеңе таппадым. Музейлерден журналдар ғана кездесті, оның өзі 2010 жылдан бергі тарих. Колледждерде не оқытады деп те сұрадым. Содан Балқаш темір жолы, депо тарихын жинақтап, кітап шығару туралы ойымды деподағы нұсқаушыға айттым. Басшылар сеніңкіремесе де бетімді қайтармай, несі бар, бастап жатсаң қолдайық десті, – дейді Алмас.

Осылайша қарапайым машинист көмекшісінің кітап шығарудағы қызық та кедергіге толы қадамы басталып кеткен. Алдымен ол депода еңбек еткен зейнеткерлерді іздеп тауып, естеліктерін жазып алып, дерек-дәйектер, фотолар жинақтайды. Қалыбек Саттарұлы сынды бұрынғы басшылар ақпарат жинауға қолдау көрсеткен. Алмастың бастапқы ойы Балқаш-Мойынты-Саяқ теміржолының тарихын жазу еді. Алайда үш өңірді шарлап жүріп, ол бұл ауқымда кітап жазу күрделі боларын түсінеді.

– Саяққа резервке сұранам, көбі түсінбейді, мынаған не болды дегендер де болды. Біраз адамдарды естелік айтуға да көндіру оңай болмады. Мойынтыға да бардым. Түрлі теміржолшылармен кездестім. Тіпті тірлігіме күле қарағандар да көп болды. Бірақ мен де алға қойған мақсатымды соңына дейін жеткізу ойымнан танбадым. Ойлана келе тек Балқаш локомотив депосы туралы кітап жазуға бел будым. Себебі ең көп ақпарат депо туралы жинақталған еді, – дейді машинист көмекшісі.

Алмас одан әрі жазылған кітапты әдеби редакциялап, өңдейтін журналист табады, сосын кітаптың алғашқы түпнұсқасын басшыларға көрсетіп, артық-кемін алып қосады да, баспахана, сосын демеуші іздеуге кіріседі. Депо тарихы туралы тың деректер жинау үшін оған мәдениет бөлімі арқылы архивтерге кіруге рұқсат беріледі. Міне, сонда ғана оның еңбегін бағалаған біраз адам демеушілік жасайды. Елордаға келіп «ҚТЖ-Жүк тасымалы» ЖШС басшыларына да жолыққан. Сол кездегі басшылардың бірі Иван Костыря кітапқа алғысөз де жазып берген. Пандемия кезінде жазылған еңбек осылай кітап болып баспадан шығады.

– Кітапқа Балқаш депосының тарихы, локомотив бригадаларының жұмысы, депода қызмет еткен кешегі-бүгінгі машинистер әулеті, т.т. енгізілді. Қарағандыдан баспахана тауып, бір кітапты 12400 теңгеден, 35 данасын шығардық. Талпыныс бізден болды, қалғаны – көптің көмегі. Менің таудай талабыма сенім білдіріп, көмегін аямаған Балқаш қаласының әкімі Ораз Тауырбектен бастап, Рамазан Мақаев, Қалыбек Адамбаев, Дулат Ахмадиев, Мұрат Мұқатаев, Бауыржан Алтынбеков, Жаржан Жүнiсов, Оразбек Дауылбаевқа, Эдуард Хегай, Медет Әлiмқұлов, Асхат Нұрқасымов бастаған теміржолшыларға, деподағы барлық әріптестеріме алғысымды білдіремін, – дейді А.Арынов.

Кітаптың тұсаукесері Балқаш қаласында С. Сейфуллин атындағы кітапханада биыл 7 сәуірде өтеді. Оның бірнеше данасын Алмас теміржол кітапханалары мен музейлерге таратып берген.


Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды
Жаңалықтар
26.08.2025
ҚТЖ және CRRC басшылығы кездесті
Инфрақұрылым
26.08.2025
Сексеуіл кентіндегі теміржол вокзалында күрделі жөндеу жүріп жатыр
Цифрландыру
26.08.2025
ҚТЖ мен Huawei стратегиялық әріптестікті нығайтады
Әлеумет
26.08.2025
«Жастарға жұмыс» жәрмеңкесі өтті
Жүк тасымалы
26.08.2025
Меже – транзиттік хабқа айналу
Аймақтар
26.08.2025
Теміржол торабы Шымкенттің даму қарқынын арттыруда
Қауіпсіздік
26.08.2025
Жіңішке станциясында кезекті рейд өтті
Әлеумет
26.08.2025
Берсең – балаға бер
Жаңалықтар / Мұрағат
26.08.2025
Қазақстан теміржолшысы газеті, №69 26 тамыз 2025 жыл
ҚТЖ келбеті
25.08.2025
Теміржолшы Мақсат Абатов «Самұрық-Қазына» спартакиадасынан алтын және күміс жүлдемен оралды
Әлемде
25.08.2025
Сауд Арабиясына арналған пойыздарға Rolls-Royce қозғалтқыштары салынбақ
Аймақтар
25.08.2025
Маңғыстау теміржол өткелдерінде биыл бірде-бір жол апаты тіркелмеді
Әлеумет
25.08.2025
Мектепке жол: оқу құралдары сыйға тартылды
Аймақтар
25.08.2025
Ең арзан пойыз – оңтүстікте
Инфрақұрылым
25.08.2025
Қызылорда жол дистанциясында теміржол күтімі қарқынды жүріп жатыр