Шалқарлық ардагер соғыс кезінде «Құрметті теміржолшы" атанған

Әлеумет
06.05.2022, 14:51
Ардақ Ерубаева

Ақтөбе облысы бойынша меншікті тілші

Соғыс жылдары арнайы жасақталған теміржол әскери құрылымы құрамында болған Мұхтар Жұмағұлов Қатынас жолдары халық комиссариатының пәрменімен «Құрметті теміржолшы» белгісімен марапатталады. Бірақ 1945 жылы берілген атақ иесін арада тек алты жыл өткенде, 1951 жылы табады...

Есімі «Тәуелсіз Қазақстан темір жол көлігі» энциклопедиясына жазылған теміржолшы ол кезде небәрі 25 жаста екен. Ақтөбе облысы Шалқар ауданында 1920 жылы туған Мұхтар Жұмағұлов әке-шешеден тұлдыр жетім қалып, балалар үйінде тәрбиеленген. 15 жасында Ақтөбедегі ФЗО-ға түсіп екі жыл оқиды. 16 жасында теміржолға жұмысқа кіріп, 55 разъезде станция кезекшісі болып Морзе аппаратын аса шеберлікпен меңгеріп, екі жылдан соң Құмсай станциясына ауысып, жастығына қарамай станция бастығы болып қызмет атқарады. 

1941 жылы соғыс басталғанда Қатынас жолдары Халық комиссариатының соғыс кезіндегі темір жол әскери бұйрығына сәйкес Ақтөбе қаласынан майданға аттанып, қираған темір жолдар мен көпірлерді қалпына келтіретін арнайы құрам сапында әскери борышын өтейді. Жаңбырдай жауған оқ пен жарылған бомбаның астында жүріп, сағат сайын бүлінген теміржолдарды жалғап, оқ- дәрі, қару-жарақ тиелген бір эшелонды болса да өткізіп үлгеріп жанталасқан теміржолшылар жасағы ол кезде жанқияр ерліктің жоғары үлгісін танытқаны тарихтан мәлім. 

1942 жылы Литва темір жолының Панара станциясының бастығы болып тағайындалған Мұхтар Жұмағұлов арнаулы тапсырманы үздік орындағаны үшін «Құрметті теміржолшы» белгісіне ұсынылады. 1951 жылы Ақтөбедегі 59 разъезде станция кезекшісі болып жүргенде 1945 жылы берілген атақ иесін тауып, төсбелгісін алады. Майдангер соғыстан кейін де бүкіл өмірін темір жол саласына арнайды. Станция кезекшісінен бастап станция бастығы, Орынбор қаласында арнайы курста білім алған соң 1960 жылдан Ембі-Қотыртас аралығында аға электр механигі болып 35 жыл қызмет етеді. Содан кейін Бершүгір-Мұғалжар учаскесінде ПОНАБ электромеханигі болып қызмет атқарды. Сүйікті саласына 49 жыл өмірін арнап, 1985 жылы Шалқар белгі беру дистанциясынан зейнеткерлік демалысқа шығады. 1979 жылы темір жол саласындағы ұзақ та абыройлы қызметі үшін СССР Қатынас жолдары министрі Б.П.Бещевтің бұйрығымен "Москвич-312" жеңіл автокөлігін сыйға алған. Бұл ол заманда екінің бірі қолы жетпейтін керемет сыйлық болатын.

Мұхтар Жұмағұлов өмірлік жары Мейізбен 46 жыл отасып, 10 бала өсірді. Олардың бәрі жоғары білім алып, теміржолдың сан саласында жемісті еңбек етіп, бүгінде Жұмағұловтар әулетінің абыройын асқақтатып жүр. Теміржолдың тынымсыз тірлігіне араласып, ел экономикасын өркендетуге қомақты үлес қосуда. 

Ардагер 1994 жылы 74 жасында дүниеден озды.

Қауіпсіздік
26.06.2025
Семейде қозғалыс қауіпсіздігіне арналған кеңейтілген кеңес өтті
Спорт
26.06.2025
Ақтөбеде теміржолшылар тартысты ойын көрсетті
Жаңалықтар
26.06.2025
Астанада көлік, логистика көшбасшыларының басын біріктірген халықаралық көрме өтіп жатыр
Жолаушылар тасымалы
26.06.2025
Жыл соңына дейін ҚТЖ пойыздарының барлығы бейнекамерамен жабдықталады
Жаңалықтар
25.06.2025
Теміржол және су көлігі комитетінің төрағасы Атыраудағы вагон шығару зауытына барды
Жаңалықтар
25.06.2025
Нұрлан Жақыпов Alstom компаниясымен әрі қарайғы серіктестікті талқылады
Әлемде
25.06.2025
Қытай 650 км/сағ жылдамдықпен қозғалатын магнитопланды сынақтан өткізді
Аймақтар
25.06.2025
Алматы темір жол бөлімшесінде жүк тасымалы 16%-ға өсті
Жаңалықтар
24.06.2025
Тоқаев: Теміржол саласында Alstom, Wabtec және Stadler компанияларымен табысты серіктестік орнаттық
Жаңалықтар
24.06.2025
Қасым-Жомарт Тоқаев Wabtec президентімен кездесті
Жолаушылар тасымалы
24.06.2025
Биыл 240 мыңнан аса мүмкіндігі шектеулі жолаушы ҚТЖ пойыздарымен сапарға шыққан
ҚТЖ келбеті
24.06.2025
Апаттың алдын алған машинист «Ерлігі үшін» медалімен марапатталды
Спорт
24.06.2025
Семейде теміржол ардагерлерін еске алу турнирі өтті
Жүк тасымалы
24.06.2025
Қытайға теміржол көлігімен астық жүктерін тасымалдау 46% өсті
Жаңалықтар
24.06.2025
Астанада теміржол саласына кадр даярлау мен жұмыспен қамту жолдары қаралды
Аймақтар
24.06.2025
Қазалыда кешенді комиссиялық байқау ұйымдастырылды
Жаңалықтар
24.06.2025
Кәсіби мамандарға құрмет
Жаңалықтар / Мұрағат
24.06.2025
Қазақстан теміржолшысы газеті, №48 24 маусым 2025 жыл
Аймақтар
23.06.2025
Қозғалыс қауіпсіздігі мен тасымал мәселесі басты назарда
Спорт
23.06.2025
Атырауда бильярдтан турнир өтті