ҚТЖ «Балаларды мектепке апарайық» қайырымдылық акциясын бастады
«ҚТЖ» ҰК» АҚ-ның еріктілері «Балаларды мектепке апарайық» акциясын бастады. Акция жыл сайын өткізіледі және ол разъезд пен станцияларда тұратын үш немесе одан да көп 3 4, 5-сыныпқа баратын оқушыларды тәрбиелеп отырған көпбалалы қызметкерлерге қолдау көрсетуге бағытталған, деп хабарлайды Rail-news.kz.
«ҚТЖ» ҰК» АҚ баспасөз қызметінің мәліметінше, қайырымдылық акциясының арқасында компанияның 1650 көпбалалы қызметкері 1 қыркүйекте мектепке қажетті оқу құралдарын алады, оның ішінде Магистральдық желі дирекциясы – 1151, Жүк тасымалы – 499.
Сонай-ақ 11 қыркүйек Отбасы күніне орай компания қызметкерлерінің көпбалалы отбасыларына 4 АЕК (12 720 теңге) көлемінде материалдық көмек көрсетіледі, яғни төрт және одан да көп бала (18 жасқа дейінгі балалар, 18 жасқа дейінгі мүгедектігі бар балалар) тәрбиелеп отырған, екі және одан көп баласы бар жалғыз басты жұмысшыларға.
«Балаларды мектепке апарайық» қайырымдылық акциясын компания кәсіподақ пен «ОТЛК ЕРА» АҚ қолдауымен бірнеше жылдан бері өткізіп келеді.