Елордалық теміржолшылар Жаңа жыл қарсаңында ерекше баланың тілегін орындады
Елордалық мектептің 6-шы сынып оқушысы Ахмет Бұйыған пойыз жүргізушісі болуды армандайды. Жаңа жыл қарсаңында ол өз тілегін білдірді: машинист кабинасын көру және басқару пультінде отыру. Анасы мен ҚТЖ қызметкерлері оның арманын жүзеге асыруға көмектесті, деп хабарлайды Rail-news.kz.
Жастайынан «аутизм» диагнозы қойылған бала үшін теміржолшылар локомотив депосына бару, қала маңындағы электр пойызына экскурсия және жаңа жылдық жедел пойызда Бурабайға бару арнайы бағдарлама әзірлеп ұсынды.
Локомотив депосының машинист-нұсқаушысы Юрий Сайко бала мен анасына локомотив депосын аралатып таныстырды. Балаға әр түрлі сериялы магистральдық және маневрлік локомотивтер көрсетіліп, олардың техникалық сипаттамалары мен көрсеткіштері туралы айтылды. KZ4AT сериялы заманауи машиналар елордалық зауытта құрастырылған. Машинистер оларды ерекше ілтипатпен «Француздар» деп атайды.
Бала машинист орындығына отырып, айтылғандардың барлығын қағып алуға тырысты. Ол техниканың қаншалықты күрделі екеніне таң қалды: басқару тақтасындағы көптеген түймешелер, бірнеше экран, тұтқалар. Ахмет құрамды басқарудың құпияларын біліп, балаларға теміржолда өзін қалай ұстау керектігі туралы нұсқаулықтан өтті.
«Машинистің жұмысы жоғары жауапкершілікті талап етеді, сондықтан кадрларды іріктеуге өте байыпты қарайды. Балалардың бала кезінен пойыз жүргізуді армандағаны мені қуантады. Біздің білімімізді сабырмен бере алатын лайықты ауысым өсіп келеді, - деді локомотив депосы бастығының орынбасары Қайрат Мұсылманов.
Экскурсия «Қала маңы тасымалдары» АҚ-ның электр пойызы бойынша жалғасып, онда бала да өзін машинист ретінде сынап көрді.
Кездесуді еске алу үшін - бейне, фото және сыйлықтар. Ал қысқы демалыста отбасы Щучье-Бурабай курорттық аймағына жайлы жаңа жылдық электр пойызымен барады.
Теміржолшылар бала кезінен темір жолға жақын Ахметте барлығы жақсы болатынына сенімді, оның арманы міндетті түрде орындалады. Осы кездесуден кейін бала ғажайыптарға сеніп, арманын ұштай түсетіні кәміл.