Теміржолшылар KinetiX зияткерлік жүйесін игеруде
«Қазақстан темір жолы» ҰК» АҚ-да Тасымалдау процесі дирекциясының қызметкерлері Wabtec компаниясы әзірлеген KinetiX жылжымалы құрамды бақылау мен диагностикалаудың зияткерлік жүйесін игеруге кірісті.
Озық технологияларды енгізу техникалық қызмет көрсетудің тиімділігін және қозғалыс қауіпсіздігін едәуір арттыруға бағытталған.
Мамандарды даярлау екі кезеңде жүргізіледі. Бірінші кезеңде Астана-1 – Қырқыншы аралығындағы қолданыстағы кешенде теміржолшылар датчиктер мен жол жабдықтарының жұмысын егжей-тегжейлі зерттеді. Оқытудың екінші бөлігі ҚТЖ әкімшілік ғимаратында ұйымдастырылған, онда Wabtec сарапшыларымен бірлесіп дағдыларды практикалық пысықтау арқылы ақпараттық жүйенің функционалын игеру басталды.
KinetiX жүйесін енгізу жылжымалы құрамның ақауларын уақтылы анықтауға, диагностика процестерін оңтайландыруға және тасымалдау процесінің қауіпсіздігін айтарлықтай арттыруға мүмкіндік береді. Алынған білім қызметкерлердің құзыреттерін одан әрі дамыту және кешенді толыққанды пайдалану үшін негіз болады.