Ұлыбританияда аккумуляторлы пойыз жаңа рекорд орнатты
Тамыздың 19-нан 20-на қараған түні Ұлыбританияның Great Western Railway операторы аккумулятор батареяларымен жүретін пойыздың қашықтық бойынша жаңа рекордын орнатты, пойыз тоқтаусыз 320 км жүріп өтті, деп хабарлайды Rail-news.kz.
Бұрынғы рекордты 2021 жылы FLIRT Akku пойызы орнатқан, ол кезде құрама 224 шақырым жүріп өткен. Бұл жолы маршрут Лондон мен Оксфорд арқылы өтті, қозғалыс үнемдеу режимінде жүргізілді.
Әдетте мұндай пойыздар бір қуаттаумен 80–130 км жүре алады, ал жылдамдығы 95 км/сағ болған жағдайда – 190 км-ге дейін. Жылдам қуаттау жүйесі рельстердің арасына орнатылған қысқа тоқжинағыш доңғалақтар арқылы жүзеге асырылады.
Бұл рекорд Ұлыбританиядағы алғашқы теміржолдың 200 жылдығына орай жасалып, теміржол саласында «жасыл» технологияларға деген қызығушылықты айқындай түсті.