Өзбекстанда «Ташкент – Хиуа» бағыты бойынша қосымша жүрдек пойыз іске қосылады
«Өзбекстан темір жолдары» компаниясының хабарлауынша, «Жалаладдин Мангуберды» жүрдек электр пойызы 2026 жылдың 22 шілдесінен бастап жолға шығады, деп хабарлайды Rail-news.kz.
Пойыз «Ташкент – Хиуа» бағыты бойынша аптасына үш рет — дүйсенбі, сәрсенбі және жұма күндері (жергілікті уақытпен), ал кері бағытта — сейсенбі, бейсенбі және сенбі күндері қатынайды.
Айта кетейік, алғашқы Hyundai Rotem пойызы бұл бағытқа 2026 жылдың мамыр айының басында шыққан болатын. Ол елдің астанасынан Хиуаға сейсенбі, бейсенбі және сенбі күндері аттанса, кері қарай сәрсенбі, жұма және жексенбі күндері қатынайды.
Бұған дейін Өзбекстанға Hyundai Rotem жүйрдек пойызының үшінші құрамы жеткізілген болатын. Техника елге «Оңтүстік Корея – Қытай – Қазақстан – Өзбекстан» мультимодальды бағыты арқылы жеткізілді.