Қауыннан жасалған «пойыз»
Хиуа қаласында өткен халықаралық қауын фестивалі аясында қауындардан «теміржол» композициясы жасалды. Бұл туынды Ташкент – Хиуа бағыты бойынша жаңа жүйрік пойыздың іске қосылуына арналды, деп хабарлайды Rail-news.kz.
«Джалолиддин Мангуберди» алғашқы жолаушылар пойызының салтанатты түрде жолға шығуы 2026 жылдың 5 мамырында өтті. Hyundai Rotem компаниясының жоғары жылдамдықты электр пойыздары Ташкент пен Хиуа арасындағы 1220 шақырым қашықтықты 7,5 сағатта еңсереді. Құрам 7 вагоннан тұрады және сағатына 250 шақырымға дейін жылдамдықты еңсере алады.
Пойыздар Өзбекстанның климаттық жағдайларына толықтай бейімделген: олар +50 градус аптап ыстықта да, -40 градус сақылдаған аязда да сенімді қозғала алады. Тіпті шөлді аймақтардан өткенде Қызылқұмның шаңы вагондардың ішіне кірмейді. Олар экстремалды жоғары және төмен температураларға, құмды дауылдарға төзімді жүйелермен жабдықталған әрі ұзақ қашықтыққа қатынайтын сапарларға арналған.