Қағазсыз технология қарқын алды

Цифрлық трансформация шеңберінде «ҚТЖ» ҰК» АҚ-на енгізіліп отырған маңызды жобалардың бірі «Республикаішілік қатынаста Келісімшарт және коммерциялық жұмыстың автоматтандырылған басқару жүйесі» (ККЖ АБЖ – АСУ ДКР) жобасы тасымалдау құжаттарын қағаз түрінде ресімдеуден электрондық ресімдеу форматына көшуге негізделген. Бұл жоба болашақта республикаішілік қатынаста тасымалдауды жоспарлау, ұйымдастыру, жүзеге асыру және қызметтерді төлеу кезінде клиент үшін «бірыңғай цифрлық терезе» құруға ықпал етеді.

Тасымалдау процесінің барлық кезеңінде айқындық пен клиентке бағдарлануды арттыруға бағытталған жүйе бүгінде Компанияның барлық жүк станцияларында, яғни шамамен 456 станцияға табысты енгізіліп отыр. Жүйеге шамамен 50 мың клиент, жүк жөнелтушілер, жүк қабылдап алушылар, экспедиторлық ұйымдар тіркеліп, «ҚТЖ-Жүк тасымалы» АҚ-ның 7000 астам қызметкері жұмылдырылған.

Жүк жөнелтушілерге келсек, олар өңірлердегі барлық жүк тасымалы бөлімшелері бойынша жүк тиелімін ККЖ АБЖ/АСУ ДКР-ды пайдалана отырып, айлық жоспарлау, онкүндік жоспарлау электрондық өтінімдерді ресімдеуді және күнтізбелік жоспарлар жүйесінде автоматты түрде түзілген өтінімдерді түзетуді жүзеге асыра алады. Алайда, өтінімдер «ҚТЖ-Жүк тасымалы» АҚ, АС МЕСПЛАН, порттармен, соның ішінде терминалдармен және «Қазтеміртранс» АҚ вагондар операторымен келісіп, іске асырылады.

Сондай-ақ, вагондарды басқа мекенжайға жіберуге электрондық өтінім беру жүзеге асы рылды. Вагондарды басқа мекенжайға жіберу үшін өтінім беру процесін 2 күннен 1 сағатқа дейін қысқартуға мүмкіндік берді. Ал жоспарлау процесі 11 сағаттан 5 минутқа дейін, республикаішілік жөнелтімдерде және экспорттық жөнелтімдерде 2 күннен 1 сағатқа дейін уақыт қысқарды. Осылайша, бүгінде барлық өтінімдер ККЖ АБЖ/АСУ ДКР жүйесі арқылы өтеді, өткен жылы бұл жүйе бойынша 273 533-нан астам өтінім беріліп, қабылданған екен.

Тағы бір атап өтерлігі, жүйеде жаңа бір қызмет түрі әзірленіп, енгізілген. Ол арқылы ҚР Қаржы министрлігіне қарасты Мемлекеттік кірістер комитетімен белгіленген құрылым мен форматқа сай жүктер туралы алдын ала ақпарат қалыптасады. Қазіргі кезде АСУ ДКР жүйесінде республикаішілік қатынаста тасымалдау құжаттарын ресімдеудің қағазсыз технологиясын енгізу жүзеге асырылды. Бүгінде осы технология бойынша тасымалдау құжаттарын ресімдеуге 10 298 жүк жөнелтушімен келісімшарт жасалып, рәсімдеу 94%-тен жоғары болып отыр. Бұдан басқа, 200-ден астам клиенттермен экспорттық қатынаста қағазсыз технология бойынша тасымалдауға келісім шарттар жасалған. Ал «РТЖ» ААҚ мен «ҚТЖ» ҰК» АҚ арасында осы технология бойынша экспорттық қатынаста барлық мемлекетаралық түйісу пункттері бойынша 6000-нан астам тасымалдау құжаттары ресімделген.

Мұнымен қатар Қытай, Әзербайжан, Қырғыз темір жолдарымен халықаралық темір жол қатынасында жүктерді тасымалдау кезінде деректермен электрондық алмасу (ЭОД) туралы келісімдерге қол қойылғаны белгілі. Қазір аталған теміржолдарға деректерді электронды жүкқұжат көлемінде беру жүргізілуде. Ал ағымдағы жыл міндетіне келсек, экспорттық-импорттық қатынаста қағазсыз технологияның интеграциясы ары қарай да жалғасатын болады. Соның айқын дәлелі ретінде, 2020 жылы «РЖД» ААҚ станциясында экспорттық қатынастағы қағазсыз технология бойынша ресімдеу полигонының кеңейтілетінін айтар едік. Яғни, белгіленген бағыттар бойынша «РТЖ» ААҚ станциясынан импорттық қатынаста тасымалдау құжаттарын ресімдеудің қағазсыз технологиясы енгізіледі.