Қауіпсіздікке қалтқысыз қызмет

Инфрақұрылым
28.01.2019, 20:09

 Теміржолда қауіпсіздікті қамтамасыз ету шаралары ешқашан көптік етпейді. Өйткені, қос рельстің үстіндегі пойыздар қозғалысы тоқтаусыз, сондықтан қауіпсіздік шаралары да үздіксіз жүреді. Соңғы жылдары барлық өндірістік мекемелерде қозғалыс қауіпсіздігі бойынша бас маманның арнайы штаты ашылып, жұмыс істеуде. 

Қауіпсіздікті нығайта түсу үшін ревизорлар мен басшылар қызметіне көмек ретінде құрылған сол қызметті Астана белгі беру және байланыс дистанциясының қозғалыс қауіпсіздігі бойынша бас маманы Әділ Жұлдызбаев атқарады. Көп уақыты жол бойында, рельс үстінде, желілер мен перегондар арасында жаяу тексеру жүргізумен өтетін маманның басты ұраны қауіпсіздікке айналғалы қашан. Әрине, қауіпсіздікті тексеретін адамның өзі оны меңгеруі керек. Теміржолшылар қаласы Аягөз станциясында туып-өскен кейіпкеріміз теміржол саласында жоғары білім алып, алғашқы еңбек жолын Ақтоғай станциясында 3-ші разрядты электр монтеры болып бастаған екен. Астанаға қоныс аударған соң қала іргесіндегі Қырқыншы станциясында механик, бас механик қызметін атқарып, 2016 жылы қазіргі қызметіне басшылық білікті маман ретінде таңдап алды. Құжатпен жұмысқа да, желі бойындағы барлық белгі мен байланыс құрылғы-құралдарының жұмысына қатысты да білімі мол азамат жаңа қызметін бірден игеріп кетті. Теміржол бойындағы титтей де кемшілік оның қырағы назарынан қалыс қалған емес. Былтыр ол жоспарлы 524 тексеріс жүргізген болса, соның барысында 800-ге жуық кемшілікті анықтапты.

– Менің тексеру жүргізу аумағым – Ерейментаудан Астанаға дейінгі және Жалтырдан Астанаға дейінгі аралық. Сонымен қатар осы Астана маңы мен Қырқыншы станциясы, Нұрлы жол вокзалы аумағын да назарда ұстаймын. Бұдан бөлек дистанция басшыларымен бірге де тексеруге жиі шығамыз. Мәселен, былтыр басшылықпен бірге 250 рет, өзім бөлек жоспарлы емес 540 тексеру жүргізіппін. Тексеруге дрезинамен де, арнайы көліктермен де шығамыз. Жасаған жұмыстарымыздың есебін Ақмола ЖТ жол бөлімшесіне, сондағы қауіпсіздік бөліміне, ревизорларға тапсырамыз. Жолдың бойындағы «отказдарды» қараймын. Механиктерде жылдық кесте болады, соның күнделікті қалай орындалғанын тексеремін. Сонымен қатар «Поведенческий диалог» деген болады. Жұмысшыларды жұмыс істеп жатқан жеріне барып сырттай бақылап отырамын. Бәрін талапқа сай атқарып жатыр ма, еңбек қорғау, қауіпсіздік талаптары сақталуда ма, дұрыс істемесе нұсқаулыққа сай түсіндіремін, ескерту беріп, журналға акт жазып, тіркеймін. Сол қателіктерді жоюға мерзім белгілеймін. Жоспардан тыс тексеруге күндіз де, түнде де шыға береміз, жұмыс уақытында өз орындарында отыр ма, қалай істеп жатыр, киімдері қалай, одан басқа бағдаршам, бұрма, коробка, шкаф, тоқ, релелер, ғимарат ішінде құрылғыларды тексеріп, кем-кетігін анықтау біздің күнделікті жұмысымыз, – дейді ӘдІл.

      Маңызды шаралардың бірі – түрлі тақырыптарда айлық өткізу. Былтыр ол қауіпсіздік бағытында 6 айлық өткізіпті. Сонымен қатар жеделхаттармен жұмыстар жүргізіп, департамент, басқармадан келетін жеделхат мазмұнына қарай өзге өңірлерде болған апаттар мен қауіпті жағдайларға байланысты өз аумағындағы нысандарды тексеруден өткізеді екен. «Мысалы, басқа бір өңірде өткелде бағдаршам жанбай қалған» деген хабарлама келсе, өз аймағымдағы өткелдердің бағдаршамын тексеріп, бізде ондай жағдайдың болмауын қадағалаймын», – дейді маман.

 Әр айдың 10-на дейін комиссиялық тексеру жүргізіледі. Басшылармен бірге өткізілетін бұл тексеруде де барлық нысан түгел сүзгіден өткізіледі. Сол тексерулер нәтижелері бойынша 2017 жылы дистанцияда 23 «отказ» анықталса, 2018 жылы олардың саны төртеуге түсті. «Отказ» деген, мысалы, пойыздың тоқтап қалуы, бағдаршамның жанып қалуы, тағысын тағы олқылықтар.

       Әділдің айтуынша, салада жаңашыл жүйелер біртіндеп енгізілуде. Олардың барлығы жұмыс тиімділігін арттыруға бағытталған. Мәселен, АРМДЦ атты биыл енгізіліп жатқан автоматтандырылған жұмыс орны жүйесі қағазбастылықтан құтылуға септік етеді. Схемалар, бәрі компьютерде болады, әзірге оны қосуға дайындықтар жасалауда. Бір жыл бойы 6 адам оқытылады. Келесі жылдан бастап өндіріске енгізілмек. 5-6 жылдан бері АСУША атты жүйе енгізіліп, жұмыс жүргізілуде. Оның артықшылығы – кез келген жабдықтың жарамдылық мерзімі өтуіне жақын қалғанын айы, күніне дейін компьютер өзі көрсетіп, ескертіп отырады.

 Міне, бүгін де Астана белгі беру және байланыс дистанциясының қозғалыс қауіпсіздігі бойынша бас маманы Әділ Жұлдызбаев қыс ауасына қарамай жолға шығып барады...

Райхан РАХМЕТОВА 

Суретті түсірген автор


Аймақтар
18.09.2025
Көкшетауда Құрметті теміржолшы Мұратбек Тілеуленовпен кездесу өтті
Жаңалықтар
18.09.2025
Теміржолшылар экологиялық акцияны белсенді қолдады
Жүк тасымалы
18.09.2025
Қазақстаннан Қытайға өсімдік майының пилоттық партиясы жеткізілді
Цифрландыру
18.09.2025
Германия теміржолға 5G желісін енгізуде
Жаңалықтар
18.09.2025
Қарағандыда жүк пойызынан дизель ұрлаған қылмыстық топ ұсталды
Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл