Ақтау теңіз порты дамудың тұжырымдамалық бағыттарын анықтады
Қазіргі уақытта Ақтау порты жылына 70 мың жиырма футтық контейнерді (ЖФЭ) қайта өңдеуге қабілетті. Бұл экспорттаушылардың, импорттаушылардың қажеттіліктерін қанағаттандыруға және транзиттік жүк ағынына қызмет көрсетуге мүмкіндік береді. 2025 жылы қайта тиеу техникасы паркін жаңартқаннан кейін бұл көрсеткіш жылына 100 мың ЖФЭ-ге дейін өседі деп күтілуде.
Транскаспий халықаралық көлік маршрутын (ТХКМ), «Солтүстік – Оңтүстік» дәлізін және басқа да бағыттарды дамыту орта мерзімді перспективада Ақтау порты арқылы тасымалдау көлемін бес есеге арттыруы мүмкін.
Еуропалық Қайта Құру және Даму банкі болашақ көлемдерге жүргізген алдын ала бағалауынша, көлік және логистикалық қуат дамыған жағдайда, 2030 жылдан 2035 жылға дейінгі кезеңде Каспий торабындағы көлемдердің өсуі жылына кемінде 1 млн.ЖФЭ контейнерді құрайды.
Сондай-ақ, Дүниежүзілік Банктің бағалауынша, ТХКМ дәлізінің тартымдылығын арттыру үшін жоғары сапалы үйлестіру, логистика және цифрлық технологияларды, сондай-ақ орта мерзімді перспективада инвестицияларды енгізу арқасында тиімділіктің үйлесімі қажет.
Бұл шараларды орындау 2030 жылға қарай тасымалдау көлемін үш есеге 11 млн тоннаға дейін ұлғайтуға мүмкіндік береді. Транзиттік жүктер көлемінің басым бөлігі Еуропа мен Қазақстан арасындағы, сондай-ақ Еуропа мен Қытай арасындағы саудаға тиесілі болады. Бұл ретте шамамен 4 млн тонна контейнерлік тасымалдарға болжамды сұранысқа байланысты болады.
Ақтау портының логистикалық қуаттарын дамытуға қатысуға Қытайдың «Lianyungang Port», «Shandong Port Group» порттары, «Сиань Құрғақ порты» және Үрімші қ., «Ренус» (ГФР), «Abu-Dhabi Ports» (БАӘ), «PSA International» (Сингапур), «Albayrak Group» (Түркия) логистикалық платформалары сияқты әлемдік көлік логистикасы нарығындағы ірі ойыншылар, сондай-ақ «Khave» (Иран) компаниясы өздерінің ауыстырып тиеу пункттерінің географиясын корпоративтік маршруттар желісі шеңберінде кеңейтуді қарастыра қызығушылық танытып отыр.
Республиканың көліктік-логистикалық кешенін дамытудың ағымдағы жай-күйін, сыртқы факторлары мен мүмкіндіктерін, стратегиялық басымдықтары мен міндеттерін алдын ала талдауды негізге ала отырып, Ақтау теңіз порты дамудың негізгі тұжырымдамалық бағыттарын айқындады:
1. Қолданыстағы порт қуаттарын жаңғырту және қайта құру.
2. Порттық аумақтар есебінен порт инфрақұрылымын кезең-кезеңімен кеңейту.
3. Теңіз портына кірме темір жол және автомобиль жолдарын дамытудағы диспропорцияларды жою.
Ақтау портын жаңғырту мен дамытудың барлық кезеңдерін іске асыру отандық және шетелдік инвесторлардың басқаруымен off-dock терминалдарының (порт аймағының артқы жағындағы терминалдар) дамыған инфрақұрылымдық желісін құруға мүмкіндік береді және теңіз айлағының өткізу қабілетін жылына 960 мың ЖФЭ-ге дейін жеткізеді.