Алтынкөл жол дистанциясының көпір шебері

ҚТЖ келбеті
31.07.2019, 12:32
Елена Колдасбаева

Собственный корреспондент по Алматинской области

Алтынкөл жол дистанциясының көпір шебері Қайрат Айымбаевқа «кәсіби маман» деген атақ таңылғалы қашан. Өйткені көп жыл бойы темір жолға мінсіз қызмет етіп келе жатқан теміржолшының өз ісінің нағыз шебері екенін дәлелдейтін мысалдар көп.

Жалпы, теміржолда өз мамандығына құлай берілген, тіпті ғашық адамдар аз емес, және олардың дені еңбек династияларын құрайды. Қайрат Маратұлы – атақты Пірмановтар әулетінің өкілі, 1958 жылдан 1976 жылға дейін Жамбыл жол бөлімшесін басқарған Байзақ Пірмановты кім білмейді. Қайрат осы бір жомарт жүректі, Брежневке «Я не Бальзак, а Байзак, и я казах» деп жауап беретін теміржолшының ұрпағы екенін мақтан тұтады.

Сегізінші сыныптан кейін Жамбыл теміржол училищесіне түсіп, тепловоз машинисінің көмекшісі мамандығын алып бастаған еңбек жолы депода емес, жол дистанциясында жолшы болудан басталды. Осы салаға бауыр басқаны сонша, кейін депоға баруға зауқы соқпады, қайта жол шаруашылығы, жасанды құрылыстар тақырыбын дендеп оқып білімін молайтты. Өндірістен қол үзбей Алматы темір жол көлігі институтын бітіріп, диплом алды. 1993 жылы Жамбыл жол дистанциясына жол бригадирі, содан кейін жол шебері болып ауысты. Еңбек қорғау және қауіпсіздік техникасы жөніндегі инженер болды.

Тоқсаныншы жылдардың соңында оның Түркістан өңіріндегі еңбек жолы басталды. Түркістан жол дистанциясына ауысып, жол шаруашылығының барлық қызметтік сатысынан өтті: жол колоннасының бригадирі, көпір шебері, түйіспесіз жол бригадирі, технолог ин женер, т.т. лауазымдарын атқарып, мол тәжірибе жинады. 2004 жылы Қайрат Анар жол дистанциясына технолог-инженер болып ауысып, ұзамай Сарышаған жол дистанциясына бас инженер болып тағайындалды. Бұл оның қай жағынан да кемелінен келіп толысқан, нағыз маман болып қалыптасқан шағы еді. Өзін басшы ретінде де, кәсіби маман ретінде де көрсете білді. Бұл жерде ол көптеген проблемаларға тап болды, кадрлардың тұрақсыздығы, сауатсыздықпен күресті, басшыдан бастап қарапайым жолшыға дейін білім жетілдіруді, стандартты емес жағдайда әрекет етуді талап етті.

Оның беделі, батыл шешімдері, ұйымдастырушылық қабілеті ұжымды алға сүйреп, қойылған міндеттерді орындауға жол ашты. Өндірістік оқыту шебері болып істеген тәжірибесі де көмектесті. 2014 жылдың наурыз айынан бастап Қайрат Маратұлы Алтынкөл жол дистанциясында көпір шебері болып жұмысын бастады. Оның учаскесі өте күрделі еді, оның құзыретіне Қорғас көпірін бақылау және қызмет көрсету кіреді, сондықтан мұнда тәжірибелі маман бекер таңдалмаса керек. Ол өзіне сеніп тапсырылған құрылыстардың жайкүйін бүгінде бес саусағындай біледі және белгіленген жылдамдықтағы пойыздардың қауіпсіз және үздіксіз қозғалысы үшін оларды күтіп ұстауға барлық білімі мен тәжірибесін жұмсауда.

Қайрат Маратұлы – істің адамы. Оның әрбір жұмыс күні кестеге сай. Әрбір күні кешке келесі күннің жоспарын белгілеп, оны орындауға тырысады. Дистанцияның техникалық бөлімімен бірлесіп, сумен, қармен күресті ұйымдастыру жоспарын жасайды. Өткен жылдардың тәжірибесі негізінде Қайрат Маратұлы биыл жолдар мен жасанды құрылыстарды су тасқыны мен табиғи апаттардан қорғау схемасын жасап, аса қауіпті орындарды анықтап, тізбесін жасады. Өйткені, Қорғас өзені өзінің мінезін танытып, су тасқыны кезінде көпір шеберінен ерекше күш-қайрат талап еткен.

– Қорғас өзені арқылы өтетін көпір – тәулік бойы бақылау жүргізілетін нысан болғандықтан оған назар да ерекше. Біздің жұмысымыз өте күрделі және жауапты, жалғыз білім аздық етеді, ең бастысы түйсік дамыған болуы керек, жастарды осыған тәрбиелеймін, – дейді Қайрат Маратұлы.

Көпір шебері бүгін де жоспарлы шолуға шығып, телім бойын аралап, жасанды құрылыстарды тексеріп шықты. Жаздың келте маусымы әне-міне аяқталып, жауын-шашынды күз, одан әрі қыраулы қыс келетінін қандай теміржолшы ұмытсын... 

Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды
Жаңалықтар
19.07.2024
Мемлекеттік тілді дамыту бойынша өткен байқаудың жеңімпаздары анықталды
Станция тынысы
19.07.2024
Шағыр станциясында жүк тиеп жөнелту артып келеді
Аймақтар
19.07.2024
«Жасыл істер марафонында» Жамбыл бөлімшесі бірінші орынды жеңіп алды
Жүк тасымалы
19.07.2024
Биыл Қытайға 2 млн тоннадан астам астық экспортталмақ
Сұхбат
19.07.2024
Барлық сын-тегеурінге төтеп бердік
Инфрақұрылым
19.07.2024
11 мың шақырым теміржол жөндеуден өтеді
Жаңалықтар / Мұрағат
19.07.2024
«Қазақстан теміржолшысы» газеті, №59 19 шілде 2024 жыл
Қауіпсіздік
18.07.2024
Темір жолдағы химиялық апаттарды жою бойынша оқу-жаттығу өтті
Әлеумет
18.07.2024
50 бала лагерьге аттанды
Қауіпсіздік
18.07.2024
Жанып келе жатқан жолаушылар пойызы сөндірілді
ҚТЖ келбеті
18.07.2024
Велосаяхатшы сапарға шықты
Жүк тасымалы
18.07.2024
Қазақстанда теміржол көлігімен тасымалданатын шикізаттық емес экспорт көлемі артты