Теміржолшылар үшін қауіпсіз еңбек жағдайы жасалып отыр ма?
Шымкент магистральдық желі бөлімшесіне қарасты мекемелерде еңбек ететін теміржолшылар үшін қолайлы да қауіпсіз еңбек жағдайы жасалып отыр ма?
Бөлімшенің өндірістік қауіпсіздік және экология бойынша қызмет көрсету секторының басшысы Ерлан Серперов өзі жасаған есеп негізінде соңғы бір жылда 1 адам өлімі, 30 еңбекке жарамдылықты жоғалту, 300 жарақат алу, 3000 ұсақ жарақат пен алғашқы көмек көрсету, 30 000 қауіпті жағдай тіркелгенін айтады.
«Біз өндірісте жарақат алу деңгейін мүлде жоя алмаспыз, яғни қауіпті аймақта ешқашан нәтиже 0-ді көрсетпейтін болар, бірақ соған ұмтылуымыз керек. Жоғарыдағы қорқынышты сандарды азайту үшін еңбек қауіпсіздігіне жауапты мамандар мен инженерлердің білімін арттырып, жылына кем дегенде 2 рет біліктілігін көтеруі керек, олар ары қарай персоналды үйретіп, өз білгендерімен бөліседі», – деп санайды маман.
Еңбек қауіпсіздігіне әсер ететін факторлардың үлкен-кішісі жоқ: душ-санузелдардың ескіруі, электр сымдарының ашық қалуы, тіпті шам көзінің жанып кетуі, т.т. кем-кетікке көз жұма қараудың соңы өкінішке ұрындыруы мүмкін.