Вагонмен қамтуда кедергі жоқ

Аймақтар
19.06.2019, 11:37
Қосұйым Мұқашев

Атырау облысы бойынша меншікті тілші

Жүк тасымалын вагондармен уақытылы және жеткілікті мөлшерде қамтамасыз ету – тасымал процесіндегі ең маңызды фактордың бірі. «Қазақстан темір жолы» ҰК» АҚ еншілес ұйымы «Қазтеміртранс» компаниясының Атырау филиалы Атырау және Маңғыстау жол бөлімшелерімен бірлесе жұмыс жасайды.

Магистральдық тораптың 2099,4 шақырым (Атырау бөлімшесі – 915,3 шақырым, Маңғыстау бөлімшесі – 1184,1 шақырым) аралығындағы теміржол қозғалысының үзіліссіз, қауіпсіз қызметін үнемі ұйымдастыру жолында қызмет жасап, ел экономикасының бәсекеге қабілеттілігін одан әрі арттыруға ден қойып отырған филиалдың негізгі қызметі – аймақтағы жүк тасымалын вагондармен жеткілікті түрде қамтамасыз ету. 2019 жылдың бес айында 46200 тонна болатын 818 вагонға тапсырыс берілген, орындалуы – 68%. Оның себебі жүк жөнелтушілер тарапынан тапсырыстың аз болуы, құжаттардың дұрыс болмауы, жүк жөнелтушілердің заказдан бас тарту, жоспардың жоғарылығы, т.т. жабық вагондар – 176, платформалар – 68 және 574 жартылай вагондарға тапсырыс берілген. Негізгі жүк жөнелтушілер: «Иси Гипс Индер», «Индер тұз», «Карат», «Шевронмұнайгаз», «Рауан Налко» ЖШС, т.б.

Филиал басшысы Саламат Төлегеновтің айтуынша, биылғы жылғы бес айда ағымдағы ағытып-жөндеуге барлығы 361 вагон қойылып, 344 вагон шығарылған. Оның ішінде жалгер есебінен 248 вагон қойылса, КТТ есебінен 113 вагон. Көбінесе доңғалақ жұптары, тежегіш, тележка, шанақ бұзылуынан болады. Бес айда 11 вагон кепілдік мерзімдеріне жетпеген болса, 9 вагон 331 228,17 теңге шығын келтірген. 20 вагон станциялардағы инвентарлық парктен шығарылған. Жоспарлы жөндеуге 415 вагон қойылып, содан 325 вагон жіберілген.

Жүк тасымалының маңызды бөлшегі болып табылатын вагондардың техникалық қауіпсіздігін қамтамасыз етуді де басты назарда ұстап отырған Атырау филиалы вагондардың ағымдағы жөндеу жұмыстарын Атырау, Маңғыстау вагон пайдалану деполары арқылы жүргізеді. Ал, деполық жөндеулер Қазалы, Балхаш, Орал, Шалқар вагон жөндеу деполарында жасалады. Филиалдың құзырында өндірістік-техникалық, вагон паркі, шұғыл жұмыс бөлімдері бірлесіп жұмыс жасайды. Мұнда пайдаланған жүк вагондарын қадағалау мен оны жоспарлы жөндеуге ұдайы көңіл бөлінеді. Мәселен, теміржол бойындағы жүк тасымалының уақытында жүк алушының тікелей өзіне жеткізілуі үшін, оған қоса қауіпсіздік ережелерінің мүлтіксіз сақталуы – басты мақсат. Осы орайда, жөндеуді қажет еткен вагондар цехтарда мамандардың қолынан өтіп, жарамсыз бөлшектері ауыстырылып, жаңартылады. Бұл жұмыс өте қырағылықты талап етеді. Содан да осы қызметте тек қана өз ісінің білікті мамандары қызмет етеді.

Вагондарды жөндеу, олардың қауіпсіздігін сақтауда атқарылып жатқан жұмыстар да аз емес. Осы ретте өндірістік-техникалық бөлімге қарасты Атырау, Маңғыстау теміржол бөлімшелерінің станциялары мен бекеттерінде тұрған, жұмыс жасамайтын парктегі жүк вагондарының есебі алынып, пайдалану мерзімдері аяқталғаннан кейінгі тиісті құжаттарын жасақтау негізінде есептен шығарылады. Мұның өзі теміржол қозғалысы қауіпсіздігін қамтамасыз етуге өз ықпалын тигізуде.

– Жалпы «Қазтеміртранс» АҚ-ның Атырау филиалының еңбек қауіпсіздігі бойынша басты мақсаты – әрбір қызметкерге теміржолдың жоғарғы қауіпті аймақ екенін, теміржол бойында қауіпсіздікті сақтамағанның бақытсыздыққа ұшырататынын ұғындырып отыру. Еңбек қорғау және теміржол қауіпсіздігін сақтауда өткен бес айдағы көрсеткішке ден қойсақ, Атырау филиалында жарақат алудың шараларын уақытында өткізудің нәтижесінде, жарақаттану оқиғалары болған жоқ, – дейді мекеме басшысы. Кәсіпорын жұмысшылары 2018-2020 еңбек шартына сай арнаулы киім және жеке қорғаныс құралдарымен 100% қамтылған. Әр айдың екінші сәрсенбісінде еңбек қорғау және қауіпсіздік күні өткізіледі.

Теміржол көлігінің қауіпсіз қызмет етуі, қызметкерлердің кәсіби даярлығының деңгейіне тікелей байланысты. КТТ Атырау филиалында қызметкерлерді инженерліктехникалық оқыту ісіне маңыз берілуде. Осы ретте техникалық сабақтарды өткізетін арнайы жабдықталған жұмыс бөлмесі, арнайы техникалық оқыту және жаттығу орындары бар. Қазіргі уақытта мұнда заманауи технологиялар, сандық фотоаппарат, бейнекамера, проектор экранымен, телевизор, ноутбук орнатылған. Осындай техникалық құралдар, оқыту жоспарына сәйкес қызметкерлер түрлі семинарларға қатысып, көп мағлұматтар алады. 

Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы
Темір жол тарихы
08.05.2025
Жамбыл теміржолшыларының ерлік жолы
Темір жол тарихы
08.05.2025
Соғыс жылдарындағы шойын жол шежіресі
Темір жол тарихы
08.05.2025
Сұрапыл жылдар шындығы
Жолаушылар тасымалы
08.05.2025
ҚТЖ жазғы кезеңде қосымша бағыттарды іске қосады
Мұрағат / Жаңалықтар
08.05.2025
«Қазақстан теміржолшысы» газетінің 2025 жылғы 8 мамырдағы арнайы саны
Жаңалықтар
06.05.2025
«Нұрлы жол» вокзал кешенінде Жеңістің 80 жылдығына орай ағаш отырғызылды
Жолаушылар тасымалы
06.05.2025
«Keruen Express» туристік пойызы сапарға аттанды
Жаңалықтар
06.05.2025
«Батырлар ұраны» шырқалған кеш
Аймақтар
06.05.2025
Семейде өрт сөндіру пойызы қоймадағы өртті өшірді
Спорт
06.05.2025
Семейлік теміржолшы жүзден жүйрік шықты
Темір жол тарихы
06.05.2025
Жеңіс рухын сөндірмеген Қызылорда алауы
Аймақтар
06.05.2025
Арыстағы «Батырлар аллеясы»
Спорт
06.05.2025
Машинистер сайысы
Темір жол тарихы
06.05.2025
Майданға тартылған мұнай жолы
Қауіпсіздік
06.05.2025
Теміржолдағы тәртіп – адам өмірінің кепілі
Темір жол тарихы
06.05.2025
Ешкім де, ештеңе де ұмытылмайды
Жаңалықтар / Мұрағат
06.05.2025
Қазақстан теміржолшысы газеті, №34-35 06 мамыр 2025 жыл