Түркіменстанға азық-түлік өткізуге рұқсат етілгелі жүк тасымалы қарқын алды

Станция тынысы
07.09.2021, 10:13
Шахида Жұман

Маңғыстау облысы бойынша меншікті тілші

Еліміздің мемлекетаралық шекаралық түйіспе станциясының бірі – Маңғыстау өңіріндегі Болашақ бекеті. Биыл аталған станциядан сегіз ай ішінде Түркіменстанға 269 пойыз, 12754 вагон, яғни 705461 тонна жүк тапсырылса, көрші елден 2021 жылдың 8 айында қазақ мемлекеті аумағына 251 пойыз немесе 107474 тонна жүк тиеген 10831 вагон қабылданған, деп хабарлайды Rail-news.kz. Теміржолшылар станцияда жүктерді қабылдап, тапсыруға төрт сағат шамасында уақыт кететінін айтады. Түркімен еліне тапсырылатын жүктердің басым бөлігін бидай, ұн, арпа, қант, күнбағыс майы, қара металл прокаты, басқа да азық-түлік өнімдері мен құрылыс материалдары, сондай-ақ, автобөлшектер құрауда. Ал Қазақстанға келетін жүктердің номенклатурасына келер болсақ, олар: кепкен жемістер, алма, картоп, аммиак, кокс, мотор майлары, төсек жабдықтары, үй бұйымдары, тағысын тағылар екен.

«2020 жылға дейін станциядан өткен пойыздың саны да, жүк түрлері де жылдан жылға арта бастаған еді. Өткен жылдың наурыз айынан бастап пойыздар саны азая бастады. Оған елімізде коронавирус індетіне байланысты енгізілген шектеулер әсер етті. Былтыр коронавирус инфекциясына байланысты алғашқы карантиннен кейін шетелге азық-түлік, ұн, қант сияқты негізгі тамақ өнімдерін шығаруға шектеу қойылды. Сол себепті Болашақ арқылы өтетін жүк көлемі төмендеп кетті. Бұл тамыз айына дейін созылды. Аталған өнімдерді экспорттауға рұқсат етілген соң жұмыс қайта қыза түсті. Пойыз саны бойынша өзгешелік болғанымен, өткен жүктің салмағы, вагоны жағынан алдыңғы жылғы көрсеткішке жақындады. Десек те, қазіргі нәтижеміз былтырғы есепті мерзімдегі өткен жүктер көлемімен шамалас. Әлі алда астық тасымалы бар. Сондықтан жылдың аяғына дейін өткен жылғы нәтижені жаңартамыз деген ойдамыз», – дейді Болашақ станциясының бастығы Мақсат Нұрбеков.

Болашақ станциясында бүгінде барлық теміржол мекемесін қосқанда 280-ге жуық адам жұмыс істейді. Соның 90 пайызы – Болашақ ауылының тұрғындары. Олардың отбасы барлары үш бөлмелі үймен, ал әзірге отбасын құрмаған қыз-жігіттер жатақханамен қамтамасыз етілген. Болашақ станциясы ашылғанда Ұлттық компания теміржолшыларға арнап 85 үй немесе 170 пәтер салып берген болатын. Сондықтан станция халқын баспана жайы алаңдатпаса керек. Әкімдік тарапынан өзге сала өкілдеріне де 5 үй тұрғызылған. Алайда, станцияда жаз болса туындайтын бір ғана мәселе бар, ол ауыз су жеткіліксіздігі. Одан басқа болашақтықтардың Жаңаөзен қаласымен арада барыс-келісіне мүмкіндік қарастырылған. Әр аптаның екінші күнінен басқа уақыттарда Болашақ-Жаңаөзен пойызы қатынайды. Ауылдың 80 орындық шағын мектебі мен 50 балаға арналған балабақшасы да бар. Бірақ бүгінде мектепте білім алушылар саны 200-ге жетіпті. Халықтың өсу қарқынын ескерсек, таяу арада 250 болуы әбден мүмкін. Сол себепті Қарақия ауданы әкімдігі есебінен мектептің жанына тағы да қосымша ғимарат салу жайы жоспарланыпты. Балабақшадағы орындар саны болса қазірге жеткілікті. Дегенмен, өсіп жатқан халық бар жерде балабақшаға сұраныс та арта бермек.

«Бүгінде тек ерлі-зайыптының екеуі де жұмыс істейтін, үйде қарайтын адамы жоқ отбасылар ғана баласын балабақшаға бере алады. Егер үйде отырған аналар, ауыл халқының бәрі баласын берер болса, бұл мекеме бүлдіршіндерді қамтуға тарлық етуі мүмкін», – дейді станция бастығы.
Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды