2024 жылы Қазақстан мен Қытай арасында теміржол көлігімен 32 миллион тоннадан астам жүк тасымалданды

Қазақстанның экспорт көлемі 1 миллион тоннаға артып, 13,7 миллион тоннаны құрады. Бұл туралы ҚР Көлік министрлігінің Теміржол және су көлігі комитеті хабарлады.  

Негізгі экспортталған жүктердің қатарында темір және түсті металл кендері, қара және түсті металдар, астық өнімдері бар.  

«Импорт 5%-ға өсті, ал Қазақстан арқылы транзиттік тасымал 19%-ға артып, 15,3 миллион тоннаны құрады. Контейнерлік транзит көлемі Еуропа бағытында 43%-ға өсті», - делінген хабарламада.  

Айта кетейік, өсімнің маңызды факторы ретінде Сиань Халықаралық құрғақ портындағы қазақстандық терминалдың ашылуы әсер етті.  

2024 жылы осы терминал мен Ақтау порты арқылы 300-ден астам контейнерлік пойыз өтті, бұл 2023 жылмен салыстырғанда 30 есе көп.